येस न्युज मराठी नेटवर्क ; येत्या 10 जुलै रोजी आषाढीवारीचा सोहळा साजरा होत असून देशभरातील श्री विठ्ठल भक्तांना वारीचे वेध लागले आहेत. कोरोना संकटाच्या आपत्तीनंतर दोन वर्षानी वारी भरत असल्याने पंढरी तरुणाईचा उत्साह शिगेला पोहचला असून डोक्यावर संतांची प्रतिकृती कोरुण्याचे फॅशन वाढले आहे.वारीच्या सोहळ्यासाठी महाराष्ट्रासह कर्नाटक, आंध्रप्रदेश, मध्यप्रदेश, राजस्थान, गोवा येथून विविध संतांच्या पालख्यांनी पंढरपूरकडे प्रस्थान ठेवले आहे. देहू आणि आळंदी येथील पालखी सोहळा दि.20 अन 21 ला प्रस्थान ठेवणार आहे. वारीला तीन आठवड्यांचा अवधी आहे तथापि पंढरीत तोबा गर्दी वाढली आहे. त्याच एक भाग म्हणून तरुणाईत विविध संतांची प्रतिकृती कोरण्याची फॅशन सद्या पंढरीत वाढली आहे. गुरु राऊत या तरुणाने आपल्या डोक्यावरील केसांमध्ये श्री संत ज्ञानेश्वर महाराजांची प्रतिकृती कोरली आहे. पंढरपूर मधील नाभिक समाजाचे कलाकार तुकाराम चव्हाण यांनी ही कलाकुसर केली असून यावर्षी तरुणाईत विविध संतांच्या प्रतिकृती कोरण्याची फॅशन वाढीस लागत असल्याचे चव्हाण यांनी सांगितले.