सोलापूर : सोलापूर जिल्ह्यातील ग्रामीन भागात कोरोना चा अहवाल शनिवारी प्राप्त झाला असून नव्याने २०१५ लोकांना कोरोनाची बाधा झाल्याचे स्पष्ट झाले आहे. शुक्रवारी रात्री बारा वाजेपर्यंत संपलेल्या चोवीस तासात रुग्णालयातून ११३३ व्यक्ती कोरोना मुक्त होऊन घरी परतले आहेत . या चोवीस तासांच्या कालावधीत जिल्ह्यातील ११ तालुक्यामध्ये २७ जणांचा मृत्यू ओढवला आहे. नवीन कोरोना बाधितांची संख्या पाहता बार्शी मध्ये 129, करमाळा 201, माढा 170, माळशिरस 410, मंगळवेढा सर्वाधिक 463 ,मोहोळ 137, पंढरपूर 273 आणि सांगोला 106 असे नवीन कोरोना बाधित रुग्ण आढळले आहेत.
जिल्ह्यातील मृतांमध्ये माळशिरस तालुक्यातील आनंद नगर येथील ४२ वर्षांची महिला, मंगळवेढा तालुक्यातील हिवरगाव येथील ४३ वर्षांची महिला, जंगलगी गावातील एकोणपन्नास वर्षाची महिला, जंगल की येथील ४८ वर्षांचा पुरुष ,अक्कलकोट तालुक्यातील शिवपुरी रोड येथील ४० वर्षांची व्यक्ती, उत्तर सोलापूर तालुक्यातील बीबी दारफळ येथील ४२ वर्षांची व्यक्ती, दक्षिण सोलापूर तालुक्यातील गंगेवाडी येथील ३१ वर्षांची व्यक्ती, मोहोळ तालुक्यातील कुरूल रोड येथील ४६ वर्षांची व्यक्ती, करमाळा तालुक्यातील कंदर येथील ४२ वर्षांची व्यक्ती, माढा तालुक्यातील कुर्डूवाडी येथील ३८ वर्षांची व्यक्ती, माढा तालुक्यातील माळेगाव येथील २५ वर्षांची व्यक्ती अशा कमी वयाच्या व्यक्तींचा कोरोनामुळे मृत्यू ओढवला आहे. कमी वयातील व्यक्ती कोरोनाची लक्षणे दिसल्यानंतर तातडीने rt-pcr करीत नाहीत. त्याचप्रमाणे खूप त्रास होऊ लागल्यानंतरच रुग्णालयात दाखल होत आहेत . त्यामुळे या रुग्णांवर उपचार करणे अतिशय जिकिरीचे होत असल्याचे जिल्हा आरोग्य अधिकारी शीतल कुमार जाधव यांनी स्पष्ट केले.