संस्कृति मंत्रालय, भारत सरकार व संगीत नाटक अकादेमी नईदिल्ली यांच्या संयुक्त विदयमाने विश्वसंगीत दिवस व दुर्लभ वाद्य स्वरूप कलाकार समारोह दिनांक 21 ते 25 जून 2022 कमानी हाल नई दिल्ली येथे संपन्न होणार आहे. त्यात सोलपुरातील कलाश्री जाधव व मास्टर वेंकटेशकुमार जाधव बंधू भागिनीला हिंदूस्तानी वाद्य सुद्रीवादन करिता 21 जून रोजी आमंत्रण केलेल्याची माहिती सुद्रीसम्राट कै. सिद्राम जाधव सांस्कृतिक कला मंडळचे सचिव पंडित भिमण्णा जाधव यानी दिली.
कलाश्री जाधव मास्टर व्यंकटेशकुमार जाधव यांचा जन्म सुद्री वादकांच्या पारंपारिक कुटुंबात झाला.सुद्रीसम्राट सिद्राम जाधव यांचे पणतू आणि पंडित चिदानंद जाधव यांचे नातू तर पंडित भीमण्णा जाधव यांचे सुपुत्र व सुपुत्री होय.पणजोबा आणि आजोबा व वडील हे सुद्रिवाद्याचे महान वादक आहेत, ज्यांच्याकडे सुषिर सारख्या दुर्मिळ वादयाला शास्त्रीय संगीताच्या विश्वात सुंद्रीवादन प्रस्थापित करण्याचे श्रेय आहे.
दमाणी विद्या मंदिर येथे शालेय शिक्षण घेत कलाश्री जाधव व मास्टर व्येक्टेशकुमार जाधव, 5 व्या पिढीचे कलाकार या दुर्मिळ वाद्याचे प्रशिक्षणार्थी म्हणून भारत देशातील अनेक सगीत समारोह हजेरी लावली आहे. सुद्रीसम्राट संगीत महोत्सव सोलापूर, मुंबई दूरदर्शन, दुर्मिळ वाद्य समारोह भोपाळ, सोलापूर आकाशवाणी, संगीत प्रतिभा महोत्सव सोलापूर, कलबुर्गी 85 कन्नड साहित्य संमेलन कर्नाटक अश्या अनेक सगीत समारोह मधे कार्यक्रम केलेले आहेत, सध्या अंतरराष्ट्रीय कीर्तिचे कलावंत पंडित भीमण्णा जाधव यांच्याकड़े सुद्रीवादयाचे प्रशिक्षण घेत आहेत.