प्रवाशांच्या मागणीनुसार मध्य रेल्वे कोकणासाठी ३४ अतिरिक्त गणपती विशेष गाड्या चालवणार आहे. पनवेल आणि चिपळूण दरम्यान ३० अनारक्षित मेमू सेवा तसेच लोकमान्य टिळक टर्मिनस आणि मडगाव दरम्यान ४ आरक्षित विशेष गाड्या चालविण्याचा निर्णय घेतला आहे.
गणेशोत्सवानिमित्त कोकणात जाणाऱ्या प्रवाशांची संख्या अधिक असते. या प्रवाशांच्या सुविधेसाठी रेल्वे प्रशासनामार्फत विविध गाड्या चालविण्यात येत आहेत. प्रवाशांच्या मागणीनुसार या सेवांमध्ये आणखी वाढ करण्याचा निर्णय रेल्वेने घेतला आहे. त्यानुसार आणखी ३४ अतिरिक्त गणपती विशेष गाड्या चालविण्यात येणार आहेत. यामध्ये लोकमान्य टिळक टर्मिनस-मडगाव- लोकमान्य टिळक टर्मिनस विशेष गाडीच्या ४ सेवांचा समावेश आहे. गाडी क्रमांक ०११००३ विशेष गाडी १६ आणि १९ सप्टेंबर रोजी लोकमान्य टिळक टर्मिनस येथून सकाळी ०७.५० वाजता सुटेल आणि त्याच दिवशी रात्री २३.४५ वाजता मडगाव येथे पोहोचेल. या गाडीच्या २ सेवा चालविण्यात येणार आहेत.
एलटीटी-मडगाव या विशेष आरक्षित गाडीसाठीचे बुकिंग ८ सप्टेंबर २०२६ पासून सर्व संगणकीकृत आरक्षण केंद्रांवर आणि IRCTC च्या अधिकृत संकेतस्थळावर सुरू होत आहे
पनवेल ते चिपळूण (३० फेऱ्या – अनारक्षित): प्रवाशांच्या सुविधेसाठी पनवेल आणि चिपळूण दरम्यान ३० अनारक्षित मेमू (MEMU) विशेष गाड्या चालवल्या जातील.
लोकमान्य टिळक टर्मिनस (LTT) ते मडगाव (४ फेऱ्या – आरक्षित): एलटीटी ते मडगाव दरम्यान ४ आरक्षित विशेष गाड्या धावतील.
