विकासाच्या मुद्द्यांवर स्मिता जाधव यांचा भर; विरोधकांकडून मात्र सोशल मीडियावरील ट्रॉलिंगला अधिक महत्त्व?
पुणे : पुणे पदवीधर मतदारसंघाच्या निवडणुकीत राष्ट्रवादी काँग्रेस शरदचंद्र पवार पक्षाकडून हर्षदा जाधव विरुद्ध भाजपा महायुतीच्या डॉ. स्मिता योगेश जाधव अशी लढत रंगत आहे. उद्या प्रत्येक साथ पदवीधर आपल्या मतदानाचा हक्क बजावणार आहेत. मात्र प्रचाराला सुरुवात झाल्यापासून विकासाच्या मुद्द्यांपेक्षा सोशल मीडियावरील आरोप-प्रत्यारोप आणि कथित ट्रोलिंगमुळे निवडणुकीची चर्चा अधिक होताना दिसत आहे. मात्र, वैयक्तिक टीकेला त्याच पातळीवर प्रत्युत्तर देण्याऐवजी पदवीधरांच्या प्रश्नांवर लक्ष केंद्रित करण्याची भूमिका डॉ. स्मिता जाधव यांची भूमिका नागरिकांना प्रभावित करताना दिसत आहे
दोन्ही उमेदवार उच्चशिक्षित आणि राजकीय वारसा लाभलेल्या असल्याने शिक्षण, रोजगार, सरकारी भरतीतील पारदर्शकता आणि स्पर्धा परीक्षांची तयारी करणाऱ्या विद्यार्थ्यांच्या प्रश्नांवर ठोस चर्चा होणे अपेक्षित होते. मात्र, स्मिता जाधव यांच्या विरोधी गटाकडून विकासाच्या मुद्द्यांवर सविस्तर भूमिका मांडण्यापेक्षा सोशल मीडियावरील टीका आणि ट्रोलिंगवर अधिक भर दिला जात असल्याची चर्चा आहे.
या पार्श्वभूमीवर डॉ. स्मिता जाधव यांनी संयम राखत विकासाभिमुख भूमिका मांडण्यावर भर दिल्याचे दिसते. राजकीय मतभेद आणि वैयक्तिक टीका यांमधील सीमारेषा जपणे महत्त्वाचे असते. त्यामुळे प्रत्येक टीकेला प्रत्युत्तर देण्यात वेळ घालवण्यापेक्षा मतदारांच्या अपेक्षा समजून घेणे आणि त्यांच्या प्रश्नांवर उपाययोजना मांडणे अधिक महत्त्वाचे असल्याचा संदेश त्यांच्या भूमिकेतून दिसून आला.
पदवीधरांसमोरील रोजगाराच्या संधी, सरकारी भरती प्रक्रियेतील विलंब, स्पर्धा परीक्षा केंद्रांची उपलब्धता आणि भरतीतील पारदर्शकता हे निवडणुकीतील महत्त्वाचे मुद्दे आहेत. त्यामुळे सोशल मीडियावरील वादांपेक्षा या प्रश्नांवर उमेदवारांची भूमिका आणि भविष्यातील कृती आराखडा काय असेल, याकडे मतदारांचे लक्ष लागले होते.
एकूणच, सोशल मीडियावरील टीकेला महत्त्व देण्याऐवजी पदवीधरांच्या भविष्याचा विचार आणि विकासाचा अजेंडा केंद्रस्थानी ठेवण्याची डॉ. स्मिता जाधव यांची भूमिका या निवडणुकीत लक्षवेधी ठरत असून नागरिकांच्या पसंतीस उतरल्याचे दिसत आहे.
