माजी नगरसेवक आनंद चंदनशिवे, गणेश पुजारी आणि संभाजी भडकुंबे यांनी मुंबईमध्ये अजित पवारांच्या उपस्थितीत केला राष्ट्रवादीमध्ये प्रवेश

मुंबई: राष्ट्रवादी काँग्रेस पक्षाचे राष्ट्रीय अध्यक्ष अजित दादा पवार तसेच प्रदेशाध्यक्ष सुनील तटकरे यांची देवगिरी निवासस्थानी प्रथम भेट घेण्यात आली त्यानंतर प्रदेशाध्यक्ष सुनीलजी तटकरे यांची राष्ट्रवादी काँग्रेस पार्टी पक्ष कार्यालय येथे भेट झाल्यानंतर दत्तात्रय भरणे यांच्या माध्यमातून सविस्तर चर्चा होऊन येणाऱ्या काळामध्ये पक्ष संघटन मजबूत करणे व राष्ट्रवादी पार्टीचा विस्तार होण्याच्या दृष्टिकोनातून लवकरात लवकर पक्ष प्रवेश करण्यासंदर्भात सूचना दिल्यानंतर राष्ट्रवादी काँग्रेस पक्ष कार्यालय मुंबई येथे उपमुख्यमंत्री व प्रदेश अध्यक्ष यांच्या उपस्थितीत माजी गटनेते आनंद चंदनशिवे, माजी नगरसेवक गणेश पुजारी सामाजिक कार्यकर्ते अविनाश भडकुंबे तसेच चंद्रकांत सोनवणे यांच्यासह कार्यकर्त्यांचा राष्ट्रवादी काँग्रेस पार्टीमध्ये सर्व सदस्यांच्या गळ्यामध्ये शाल घालून प्रवेश देण्यात आला.
यावेळी अजित पवार यांनी पुढील कार्यासाठी शुभेच्छा दिल्या व सोलापूर शहरासाठी प्राधान्याने लक्ष ठेवून पक्षीय स्तरावर सर्व कार्यकर्त्यांना ताकद दिली जाईल असे आश्वासन देण्यात आले.