खुनासह घरफोडीचा गुन्हा उघड, एकाला ठोकल्या बेड्या…!

माढा तालुक्यातील जामगाव येथे दोन लाख 40 हजार रुपये सोन्याचे दागिने चोरून अशोक भीमण्णा मुळे यांच्या झालेल्या खुनाचा सोलापूर ग्रामीण पोलिसांनी छडा लावला आहे. आरोपीने youtube व्हिडिओ पाहूनही घरफोडी केली. आरोपींने अनेकांकडून शेअर मार्केटमध्ये पैसे मिळवून देतो या नावाखाली पैसे जमा केले होते. तो कर्जबाजारी झाला होता त्यामुळे चोऱ्या करून पैसे परत करायच्या इराद्याने त्याने हा गुन्हा केला. आरोपी अजयकुमार गौतम चव्हाण राहणार लवूळ तालुका माढा याला कर्नाटकातून सोलापूर ग्रामीण पोलिसांनी अटक केली असून त्याला कोर्टाने पाच दिवसाची पोलीस कोठडी दिली आहे अशी माहिती सोलापूर ग्रामीणचे अपर पोलीस अधीक्षक विजय कबाडे यांनी दिली. पोलीस अधीक्षक अतुल कुलकर्णी यांच्या मार्गदर्शनाखाली स्थानिक गुन्हे शाखेतील अधिकारी आणि अंमलदार तसेच त्यांच्या चार स्वतंत्र पथकामार्फत हा गुन्हा उघड करण्यात आला. युट्युब वर कुलूप कसे तोडायचे याचा व्हिडिओ पाहून त्याने हा गुन्हा केला. आजवर त्याच्यावर एकही गुन्हा नसताना अवघ्या दोन लाख 40 हजार साठी त्यांनी चोरी करून मर्डर केला हे विशेष.