सोलापूरः नॅशनल बोर्ड ऑफ ऍक्रेडिएशन, नवी दिल्ली कडून पुर्नःमानांकन प्राप्त झालेल्या विजापूर रोड वरील ए. जी. पाटील पॉलिटेक्निकमध्ये टाटा मोटर्स, पुणे या नामांकित कंपनीचा कॅम्पस ड्राईव्ह संपन्न झाला.
डिप्लोमा इंजीनियरिंगमध्ये शिक्षण घेत असलेल्या एकूण १८० पेक्षा जास्त विद्यार्थ्यांची टाटा मोटर्सच्या अधिकाऱ्यांनी निवड केली, यामध्ये जवळपास ५० विद्यार्थी हे ए. जी. पाटील पॉलिटेक्निकचे होते.
यामध्ये मेकॅनिकल इंजिनिअरिंग, इलेक्ट्रॉनिक्स अँड टेलिकम्युनिकेशन इंजिनिअरिंग आणि इलेक्ट्रिकल इंजिनिअरिंग मध्ये शिकणार्या विद्यार्थ्यांची निवड करण्यात आली.
सदर ड्राईव्ह साठी २० पेक्षा जास्त महाविद्यालयातील ४०० हून अधिक विद्यार्थ्यांनी सहभाग नोंदवला.
टाटा मोटर्सच्या वतीने एच.आर. मॅनेजर (HR Manager) सुशांत सर आणि टीमने काम पाहिले.
सर्व यशस्वी विद्यार्थ्यांचे शांती एज्युकेशन सोसायटीचे अध्यक्ष एस. ए. पाटील, संस्थेचे कॅम्पस डायरेक्टर व महाविद्यालयाचे प्राचार्य डॉ. एम. ए. चौगुले व महाविद्यालयाचे उपप्राचार्य एस. के. मोहिते यांनी अभिनंदन केले.
महाविद्यालयाचे ट्रेनिंग अँड प्लेसमेंट ऑफिसर जी. एम. कुलकर्णी, शैक्षणिक समन्वयक एस. एन. गवंडी, सिव्हिल इंजिनिअरिंग विभाग प्रमुख एन. बी. पवार, कॉम्प्युटर इंजिनिअरिंग विभाग प्रमुख टी. एल. पाटील, इलेक्ट्रिकल इंजिनिअरिंग विभाग प्रमुख एस. एस. लिगाडे, इलेक्ट्रॉनिक्स अँड टेलिकम्युनिकेशन इंजिनिअरिंग विभाग प्रमुख एस. आर. बागबान, मेकॅनिकल इंजिनिअरिंग विभाग प्रमुख आर. एस. मोटगी व प्रथम वर्ष इन्चार्ज व्ही. आर. आवटे यांनी सदर प्लेसमेंट ड्राईव्ह यशस्वी होण्यासाठी विशेष प्रयत्न केले.
