सोलापूर : भारतीय जनता पार्टी, सोलापूर शहर जिल्ह्याच्या वतीने पंतप्रधान नरेंद्र मोदीजी यांच्या वाढदिवसानिमित्त आयोजित ‘सेवा संकल्प अभियान’ अंतर्गत ‘विकसित भारत संकल्प सभा’ तसेच ‘सेवा ज्योती यात्रा’ हा कार्यक्रम आज सोलापूर शहरात उत्साहपूर्ण वातावरणात संपन्न झाला.
ड्रिम पॅलेस, पोलीस कल्याण केंद्राजवळ येथे सकाळी आयोजित करण्यात आलेल्या विकसित भारत संकल्प सभेस नागरिक, भाजप पदाधिकारी, कार्यकर्ते व विविध क्षेत्रातील मान्यवर मोठ्या संख्येने उपस्थित होते. यावेळी सोलापूर जिल्ह्याचे पालकमंत्री जयकुमारजी गोरे यांची प्रमुख उपस्थिती होती.
यावेळी आमदार देवेंद्र दादा कोठे सोलापूर शहराचे महापौर विनायक कोंड्याल, माजी आमदार दिलीप माने, माजी आमदार राजन पाटील जिल्हाध्यक्ष, शशिकांत चव्हाण उपमहापौर सौ. ज्ञानेश्वरी ताई देवकर, स्थायी समिती सभापती सौ. रंजिताताई चाकोते आणि सभागृह नेते नरेंद्रजी काळे, जिल्हा परिषद उपाध्यक्ष इंद्रजीत पवार महिला व बालकल्याण सभापती निर्मलाताई जंगम शहराध्यक्ष तथा नगरसेविका रोहिणी ताई, तडवळकर,माजी महापौर श्रीकांचना यन्नम नगरसेविका श्रीदेवी फुलारे,नगरसेविका अश्विनी चव्हाण नगरसेविका संगीता जाधव नगरसेवक विनोद भोसले, नगरसेवक बिज्जू अण्णा प्रधाने,सुधा अरळीमोरे,नगरसेवक माजी नगरसेवक रामचंद्र जन्नू नगरसेवक मेघनाथ येमूल नागेश खरात, नागेश सरगम यांच्यासह भाजपचे पदाधिकारी, नगरसेवक, कार्यकर्ते व नागरिक उपस्थित होते.
कार्यक्रमाच्या प्रारंभी संगीतमय पथनाट्याच्या माध्यमातून केंद्र व राज्य शासनाच्या विविध लोककल्याणकारी योजना, विकासकामे आणि जनसेवेच्या उपक्रमांची माहिती प्रभावीपणे मांडण्यात आली. विकसित भारताच्या संकल्पनेला बळ देण्यासाठी नागरिकांचा सहभाग, सेवा आणि राष्ट्रनिर्माणाची भावना याबाबत उपस्थितांना मार्गदर्शन करण्यात आले.
यानंतर पालकमंत्री जयकुमार गोरे यांच्या हस्ते दीप प्रज्वलित करून ‘सेवा ज्योती यात्रा’ काढण्यात आली. यात्रेचा प्रारंभ ड्रिम पॅलेस येथून झाला. विविध प्रमुख मार्गांवरून मार्गक्रमण करत ही यात्रा चार हुतात्मा पुतळा येथे पोहोचली. यावेळी भारत माता की जय, वंदे मातरम् तसेच राष्ट्रनिर्माणाचा संदेश देणाऱ्या घोषणांनी परिसर दुमदुमून गेला.
सेवा, समर्पण आणि राष्ट्रनिर्माणाचा संदेश नागरिकांपर्यंत पोहोचविणे, तसेच विकसित भारताच्या संकल्पनेला जनसहभागाची जोड देणे, हा या कार्यक्रमाचा मुख्य उद्देश होता. भाजप पदाधिकारी, कार्यकर्ते व नागरिकांच्या उत्स्फूर्त सहभागामुळे संपूर्ण कार्यक्रमाला उत्साहाचे स्वरूप प्राप्त झाले.
‘सेवा संकल्प अभियान’ अंतर्गत आयोजित विकसित भारत संकल्प सभा व सेवा ज्योती यात्रेच्या माध्यमातून विकसित आणि आत्मनिर्भर भारताच्या निर्मितीसाठी सामूहिक संकल्प व्यक्त करण्यात आला.
