पहिल्याच सभेत महापौर आणि सभागृह नेत्यांचे ‘हें’ पाच मुद्दे चुकले…!

सोलापूर महापालिकेच्या 102 नगरसेवकांची महापौर- उपमहापौर निवडीनंतरची पार पडलेली आजची पहिली सभा चांगलीच गाजली. 87 एवढी प्रचंड नगरसेवक संख्या असलेल्या भाजप चे सभा शास्त्र चुकले. याबाबतचे हे पाच महत्त्वाचे मुद्दे. 1.सभा वेळेवर म्हणजे अकरा वाजता सुरू होणे अपेक्षित असताना विरोधकांनी आरडाओरड केली तरीही सभा साडेअकरा वाजता सुरू करण्यात आली. 2.सभेच्या विषय पत्रिकेवरचे प्रशासनाचे महत्त्वाचे विषय असताना सभागृह नेते नरेंद्र काळे यांनी अजित पवार यांच्या श्रद्धांजलीचा प्रस्ताव मांडला तोही गुंडाळला.3. सभागृहात अवघे चारच विषय असताना सभागृह नेते नरेंद्र काळे यांनी सभा सुरू झाल्यानंतर महापौरांकडे विषयाबद्दल प्रायोरिटी मागितली. 4. संख्याबळानुसार भाजपचे नऊ नगरसेवक स्वीकृत होत असताना देखील कोणताही उल्लेख न करता सभागृह नेते यांनी अवघ्या आठ जणांची नावे सभागृहात वाचली. विरोधकांनी याचा भांडाफोड केला आणि नगरसचिवांना नावे वाचायला सांगितली त्यावेळेस ती सातच निघाली. स्वीकृत नगरसेवकाबाबत पालकमंत्र्यांपासून आमदारापर्यंत एवढा काथ्याकुट झाल्या असताना देखील भाजपला या निवडी देखील करता आल्या नाहीत. 5. परिवहन समितीच्या 12 सदस्यांची आजच नियुक्ती केली जाणार होती. ज्यांना शब्द दिला ते हार तुरे आणि मिरवणुका काढण्याच्या तयारीत होते मात्र ऐनवेळी हा विषय तहकूब ठेवण्यात आला. महापौर विनायक कोंड्याल आणि सभागृह नेते नरेंद्र काळे यांचे सभेवर नियंत्रण नव्हते. अनेक जण विषयांतर करत होते. गोंधळातच ही सभा तहकूब करून महापौरांनी सभेतून निघून गेले. त्यामुळे विरोधी पक्षातील अमोल शिंदे,चेतन नरोटे, रफिक हत्तुरे ज्यांनी भाजपवर तोंडसुख घेतले.