महापालिकेच्या पहिल्याच सभेत तमाशा…स्वीकृत वरून प्रचंड गोंधळ

सोलापूर महापालिकेच्या पहिल्याच सभेत आज सोलापूरकरांना बिन पैशाचा तमाशा पाहायला मिळाला. सभा अर्धा तास उशिरा सुरू झाली. भाजपला या सभेत नऊ स्वीकृत नगरसेवक निवडण्याची संधी होती त्यांनी सात जणांची निवड केली स्थायी समिती साठी 16 नगरसेवकांची निवड करण्यात आली मात्र परिवहन समितीची सदस्य निवड प्रक्रिया यावेळी झालीच नाही. सभागृहनेते नरेंद्र काळे तसेच महापौर विनायक कोंड्याल यांना या सभेवर नियंत्रण मिळवता आले नाही. विरोधी पक्षाचे अमोल शिंदे तसेच चेतन नरोटे यांनी प्रचंड गोंधळ घातल्यानंतर सभागृहात स्वीकृत नगरसेवकांची यादी वाचण्याचे आदेश नगर सचिव यांना देण्यात आले मात्र नगरसचिव प्रवीण दंतकाळे यांनी सातच जणांची यादी वाचून दाखवली. त्यामुळे महापालिकेच्या सभेत सभा शास्त्र गुंडाळण्यात आले प्रचंड गोंधळ राडा पाहायला मिळाला. यातच महापौर सभा तहकूब करून निघून गेले.