सांगा कसं जगायचं..? 265 तालुक्यात दुष्काळ…365 दिवस कसे जायचे…!

महाराष्ट्र शासनाने राज्यात 270 तालुक्यांमध्ये दुष्काळ जाहीर केला असून याबाबतचा जीआर देखील काढला आहे. आता शेतकऱ्यांच्या बांधावर जाऊन नुकसानीचे पंचनामे केले जाणार आहेत. पुन्हा केंद्रीय पथक येणार आहे. 1972 च्या दुष्काळापेक्षाही कमी पाऊस यंदाच्या वर्षी झाला आहे त्यामुळे परिस्थिती भयानक निर्माण होईल असे तज्ञांचे मत आहे. सोलापूर जिल्ह्यातील तब्बल साडेतीन लाख हेक्टरावरील खरीप पिके वाया गेली आहेत. रब्बी हंगामाचा देखील पत्ता नाही. राज्याची परिस्थिती देखील अशीच आहे. त्यामुळे जनावरांना चारा आणि पिण्याची पाणी उपलब्ध करून देणे हेच सगळ्यात मोठे प्रशासनासमोर आव्हान असणार आहे. या पंधरा दिवसात सोलापूर सह राज्यभरात चांगला पाऊस झाला तरच दुष्काळ पुढे सरकू शकेल अन्यथा परिस्थिती गंभीर होईल.