श्रीवास्तव नाभिक समाजाच्या अध्यक्षपदी सिद्राम रुदार व सचिवपदी प्रकाश जोगीपेठकर यांची निवड तसेच शैक्षणिक साहित्य वाटप/जेष्ठ नागरिक सत्कार/सेवानिवृतांचा सत्कार
श्रीवास्तव नाभिक समाजाची संचालक मंडळाची सभा समाजमंदिर येथे मावळते अध्यक्ष सायबण्णा शेडम यांच्या अध्यक्षतेखाली खेळीमेळीच्या वातवरणात पार पडली. या सभेमध्ये २०२५ चे श्रीवास्तव नाभिक समाजाचे नूतन अध्यक्ष म्हणून सिद्राम रुदार व सचिव प्रकाश जोगीपेठकर, उपाध्यक्ष राजू शुक्लवार, सहसचिव महेश श्रीमंगले, खजिनदार विजय शुकलवार यांची बहुमताने निवड करण्यात आली. निवडीनंतर सर्व पदाधिकारी समाजासाठी एकनिष्ठ राहून प्रामाणिक समाजसेवा करण्याचे वचन दिले.
या सभेसाठी संचालक मंडळातील प्रकाश सदगुरे, सुधीर वङ्ग्रेपल्ली, नंदकिशोर सदगुरे, मनोज मॅकलवार, विनायक वड्पत्ती, विठ्ठल मालतुमकर, विजय सुरपुरे, परशुराम श्रीमंगले हे उपस्थित होते. श्रीवास्तव नाभिक समाजाचा सालाबादप्रमाणे शैक्षणिक साहित्य वाटप सेवानिवृत्तांचा सत्कार व गुणवंत विद्यार्थ्याचा पुरस्कार देवून गौरव करणे, जेष्ठ नागरिकांचा सत्कार सोहळा दि. १९/०७/२०२५ रोजी वार शनिवार वेळ दुपारी १२.०० वाजता, स्थळ ईरण्णा उपलप मंगल कार्यालय, सात रस्ता, काटीकर हॉस्पीटल समोर, सोलापूर येथे होणार आहे. या कार्यक्रमाचे अध्यक्ष, समाजअध्यक्ष सिद्राम रुद्रार हे राहणार आहेत.
प्रमुख पाहुणे म्हणून मा. खासदार प्रणिती शिंदे व काँग्रेस आय कमिटीचे शहर अध्यक्ष चेतन नरुटे, श्री सेना सेवा प्रतिष्ठानचे अध्यक्ष हिंदूराव गोरे, जेष्ठ सल्लागार निलकंठ हल्लाळीकर, सेवानिवृत्त तहसिलदार सुशांत क्षिरसागर, सामाजिक कार्यकर्ते गणेश कोळी, तेलगू नाभिक ज्ञाती संस्थेचे समाजअध्यक्ष अनिल कोंडूर, वीरशैव लिंगायत नाभिक हडपद समाज अध्यक्ष शिवराज हडपद, बालाजी नाभिक समाजाचे अध्यक्ष शेखर कोंडापूरे यांच्यासह सोलापूर शहरातील विविध नाभिक समाज संस्थेचे अध्यक्ष व पदाधिकारी उपस्थित राहणार आहेत.
तरी समाज अध्यक्ष सिंद्राम रुद्रार यांनी जास्तीत जास्त संख्येने समाजातील पहिली ते पदवीधर पर्यतच्या विद्यार्थी-विद्यार्थीनीसह पालकांनी कार्यक्रमास सहकुटूंब सहपरिवार उपस्थित रहावे तसेच समाजातील विद्यार्थ्यांनी मार्कलिस्ट जमा करण्यासाठी संपर्क उपाध्यक्ष-राजू शुकलवार मो. ८६२५०७४०५७ आणि सहसचिव महेश श्रीमंगले मो. ७२१८९०८५२७, मनोज म्याकलवार मो. ९१७५३४३२२५ यांच्याकडे जमा करावे.
