SHORT NEWS 20 । ज्यादा महसुली उत्पन्न देणाऱ्यात सोलापूर टॉप 10 मध्ये.., वर्षात 4500 कोटी मालाची निर्यात ..!

सोलापूर हा कृषी जिल्हा असला तरीही या जिल्ह्यातून राज्याच्या तिजोरीत खूप मोठ्या प्रमाणावर महसुल जमा होतो. जमीन महसूल, गौण खनिज, स्टॅम्प ड्युटी, वाहन नोंदणी कर, जीएसटी, कृषी कर या माध्यमातून राज्याच्या तिजोरीत वर्षाकाठी सोलापुरातून साडेपाच ते सहा हजार कोटी रुपये महसूल जमा होतो. शिवाय सोलापुरातून वर्षाखाली दोन हजार कोटी रुपयांची केळी निर्यात झाली आहे तर 800 ते 900 कोटी रुपयांचे चादर टॉवेल एक्सपोर्ट झाले आहेत. वर्षाकाठी सुमारे साडेचार हजार कोटी रुपयांची कृषी,वस्त्रोद्योग आणि औद्योगिक क्षेत्रातील उत्पादने जगाच्या बाजारपेठेत गेली आहेत. राज्य अर्थव्यवस्थेशी विचार करता सोलापूर जिल्ह्याचा जीडीपी हा अडीच टक्के आहे. विविध महामार्ग, मोठ्या प्रमाणावर कृषी उत्पादने, मध्यम स्वरूपात असलेले उद्योग आणि मोठ्या प्रमाणावर वाढू लागलेले सर्विस सेक्टर यामुळे राज्याच्या तिजोरीप्रमाणेच केंद्राच्या तिजोरीत देखील मोठ्या प्रमाणावर पैसा सोलापूर जिल्ह्यातून जमा होतो. राज्याला सर्वाधिक महसूल देणाऱ्या पहिल्या दहा शहरांमध्ये सोलापूरचा समावेश आहे ही अभिमानाची बाब.