येस न्यूज नेटवर्क: सरकारी सेवेत असणाऱ्या डॉक्टरांचे निवृत्ती वय वाढवून ७० वर्ष करावे जेणेकरून त्यांच्या अनुभवाचा फायदा रुग्ण व सरकारी आरोग्य यंत्रणेला होईल अशी अनेक दिवसांपासून डॉक्टर संघटनेची मागणी होती. उत्तर प्रदेश सरकारने ही मागणी मान्य केली असून डॉक्टरांना आता वयाच्या ७० वर्षांपर्यंत सेवा देण्याची संधी मिळणार आहे.
सध्या सरकारी डॉक्टरांचे निवृत्तीचे वय ६५ वर्षे आहे. निवृत्तीनंतर पात्र डॉक्टरांची पुनर्नियुक्ती करून ७० वर्षांपर्यंत सेवा सुरू ठेवण्याची व्यवस्था करण्यात येत आहे. उपमुख्यमंत्री तथा आरोग्यमंत्री ब्रजेश पाठक यांच्या निर्देशानंतर आरोग्य विभागाकडून यासंदर्भातील आदेशाची प्रक्रिया सुरू करण्यात आली आहे.
महाराष्ट्रात डॉक्टरांचे निवृत्ती वय ६२ वर्षे असून महाराष्ट्रातील आरोग्य सेवेमध्ये देखील स्पेशालिस्ट डॉक्टरांची कमतरता असल्याने निवृत्तीचे वय ७० वर्षे करण्याची मागणी पुढे येत आहे
