अनेक कडू गोड आठवणींना उजाळा देत 2025 हे वर्ष संपले आणि 2026 या वर्षाचा सूर्योदय आज झाला. युट्युब, फेसबुक आणि Instagram च्या माध्यमातून प्रसिद्ध होणाऱ्या येस न्यूज मराठी बातम्या पाहणाऱ्या कोट्यावधी दर्शकांना हे नववर्ष ऊर्जादायी ठरो ही सदिच्छा. या नवीन वर्षात.. सोलापूरकरांना या नवीन प्रकल्पांची उत्सुकता लागली आहे. बऱ्याच दिवसापासून रखडलेला नाशिक- अहिल्यानगर- धाराशिव -सोलापूर या चार जिल्ह्यांना जोडणारा 432 374 किलोमीटर लांबीचा आणि तब्बल 19 हजार कोटी रुपयांचा प्रकल्प या वर्षात सुरू होईल . पंतप्रधान नरेंद्र मोदी यांनी देखील ट्विट करून सोलापूरकरांना ही नववर्षाची गुड न्यूज दिली . अहिल्यानगर ते टेंभुर्णी हा मार्ग देखील चार पदरी याच वर्षात होणार आहे. सोलापूर शहराचे दोन भागात विभाजन करणारा आणि 102 वर्ष जुना असणारा रेल्वे ब्रीज 14 डिसेंबर रोजी पाडला, येत्या वर्षभरात 38 कोटी रुपये खर्च करून दमानी नगरचा नवीन रेल्वे ब्रीज तयार होईल. सोलापूर महापालिकेला पी एम ई बस योजनेतून 100 बस मंजूर झाले असून येत्या पंधरा दिवसात यातील बस टप्प्याटप्प्याने येणार आहेत.
दक्षिण सोलापुरातील टिकेकर वाडी येथे पन्नास एकरामध्ये रेल्वे 400 कोटी रुपये खर्च करून नवीन टर्मिनस चे काम सुरू असून वर्षभरात ते पूर्ण होईल. होटगी तलाव या ठिकाणी आयटी पार्कची शासनाने घोषणा केली असून त्याच्या कामाला प्रत्यक्ष या वर्षात सुरुवात होणार आहे. सोलापूर – पुणे महामार्गावरील बाजार समिती समोर उड्डाणपूल उभारला जाणार आहे. बाळे ओढा येथे नवीन ब्रिज, तसेच अनगर फाटा, चिखली, शेटफळ या ठिकाणी उड्डाणपूल उभारण्याचे काम गतीने सुरू असून या वर्षात या रुंद केलेल्या केलेल्या ब्रिजवरून वाहतूक सुरू होईल. सोलापूर ते गोवा आणि सोलापूर ते मुंबई या विमान सेवेला वाढता प्रतिसाद पाहता आता लवकरच सोलापूर ते तिरुपती आणि बेंगलोर ही विमानसेवा सुरू होईल. नागपूर ते गोवा हा शक्तिपीठ मार्ग सोलापूर जिल्ह्यातून जात असून त्याचे रेखांकन बदलून त्याचे देखील काम या वर्षभरात सुरू होईल. पंढरपुरातील कॉरिडॉर तसेच कॉरिडॉर नामदेव स्मारक, मंगळवेढ्यातील बसवेश्वर, अरण मधील संत सावता माळी तीर्थक्षेत्र विकासाची कामे आणि स्वामी समर्थांच्या अक्कलकोट मध्ये तीर्थक्षेत्र योजनेतून कोट्यावधी रुपयांच्या कामांना या वर्षात प्रारंभ होणार आहे. याच वर्षात महापालिका, जिल्हा परिषद तसेच पंचायत समित्यांना नवे कारभारी मिळणार आहे त्यामुळे हे प्रकल्प वेळेत पूर्ण करण्यासाठी या कारभाऱ्यांसह आमदार खासदारांना प्रयत्न करावे लागतील हे नक्की
