सोलापूर – श्री शिवजन्मोत्सव मध्यवर्ती महामंडळाच्या यंदाच्या वर्षीच्या अध्यक्षपदी छत्रपती मुस्लीम ब्रिगेडचे शहराध्यक्ष मतीन बागवान यांची एकमताने निवड करण्यात आली. सन 2023-24 च्या श्री शिवजन्मोत्सव मध्यवर्ती महामंडळाच्या उत्सवाची सर्वसाधारण बैठक ही रविवारी सायंकाळी शिवस्मारक सभागृहात मावळते अध्यख शेखर फंड यांच्या अध्यक्षतेखाली पार पडली. यावेळी पुरुषोत्तम बरडे, पद्माकर काळे, राजन जाधव, माऊली पवार, श्रीकांत घाडगे, दिलीप कोल्हे, सुनिल कामाठी, प्रताप चव्हाण, सुनिल रसाळे, विनोद भोसले, अनिकेत पिसे, भाऊसाहेब रोडगे, विक्रांत वानकर, मनीष काळजे, दत्तात्रय वानकर, विजय पुकाळे, लहू गायकवाड, जितू वाडेकर यांच्यासह शिवसैनिक मोठ्या प्रमाणात हजर होते.
- याप्रसंगी सुरुवातीला उपस्थित मान्यवरांच्या हस्ते छत्रपती शिवाजी महाराज यांच्या मुर्तीचे पूजन करण्यात येऊन दीपप्रज्वलन करण्यात आले. त्यानंतर माजी नगरसेवक किरण पवार व महामंडळाचे कार्यकर्ते विजू परदेशी यांना आदरांजली वाहण्यात आली. त्यानंतर यंदाच्यावर्षी 18 फेब्रुवारी रोजी मध्यरात्री पाळणा सोहळा तसेच छत्रपती शिवाजी महाराजांची नविन आकर्षक भव्य मुर्ती प्रतिष्ठानेबाबत नियोजन करण्यात आले. यंदाचा शिवजन्मोत्सव मोठ्या उत्साहात व भव्य प्रमाणात करण्याचे आवाहन यावेळी महामंडळाच्या पदाधिकार्यांनी केले आहे.
- श्री शिवजन्मोत्सव मध्यवर्ती महामंडळाचे निवडण्यात आलेले पदाधिकारी पुढीलप्रमाणे ;अध्यक्ष – मतीन बागवान, कार्याध्यक्ष – मनिष काळजे, उपाध्यक्ष – सुनंदा साळुंके, अनिल म्हस्के, अक्षय ब्रिदी, लक्ष्मण भोसले, शक्ती कटकधोंड, लता ढेरे, सेक्रेटरी – शत्रुघ्न माने, सह सेके्रटरी – मनिषा नलवडे, राजू पवार, नानासाहेब भोसले, खजिनदार – महेश बोकण, सहखजिनदार – प्रकाश जाधव, चक्रपाणी गज्जम, मिरवणुक प्रमुख – संदीप महाले, मारूती सावंत, राहूल दहिहंडे, विवेक इंगळे, उपमिरवणुक प्रमुख – बाबा शेख, कार्यालय प्रमुख – विजय पुकाळे, प्रसिध्दी प्रमुख – बसवराज कोळी, अमोल मिस्किन, विशाल भांगे.
