पुणे आणि पिंपरी चिंचवड महापालिकेमध्ये भाजप स्वतंत्रपणे लढणार असून राष्ट्रवादी अजित पवार गटाबरोबर आमची मैत्रीपूर्ण लढत राहील असं वक्तव्य मुख्यमंत्री देवेंद्र फडणवीस यांनी केले. त्यामुळे महायुती तुटली आहे. महायुती करू असे वक्तव्य करत पुण्यात ज्याप्रमाणे झटका दिला त्याचप्रमाणे भाजपा आता सोलापुरात देखील स्वबळावर 102 जागा लढवणार असून एकनाथ शिंदे गट आणि अजित पवार गटाला चांगलाच झटका देणार आहेत. पालकमंत्री जयकुमार गोरे यांनी आपकी बार 75 पार असा नारा दिला तर दुसरीकडे अजित पवार गटाने सोलापुरात असाच नारा दिला आहे. एकनाथ शिंदे गटाने 102 जागांपैकी 25 जागांची मागणी केली आहे.
भाजपकडे तब्बल 1008 पेक्षा जास्त उमेदवारांनी तिकीट मागणी केली आहे. म्हणजे एका जागेसाठी प्रत्येकी दहा उमेदवार भाजपकडून इच्छुक आहेत. दुसरीकडे काँग्रेसला उमेदवार देखील मिळणे मुश्किल बनत आहे. 102 जागांसाठी काँग्रेसकडे 150 जणांनी उमेदवारी मागितली आहे. गट तटाची राजकारण सोडून पालकमंत्री जयकुमार गोरे यांनी आमदार सुभाष देशमुख आमदार विजयकुमार देशमुख तसेच आमदार देवेंद्र कोठे यांचा एकोपा घडवत महापालिका स्वबळावर आणण्यासाठी विविध राजकीय डावपेच सुरू केले आहे.
