जुळे सोलापुरातील सैफुल येथील सवेरा नगरामध्ये काल सायंकाळी अंजनी महिला नागरी सहकारी पतसंस्थेचे थाटात उद्घाटन करण्यात आले. श्रीक्षेत्र धोत्री आणि मैंदर्गी संस्थान चे नीलकंठ शिवाचार्य महास्वामी यांच्या शुभहस्ते फीत कापून तसेच दीप प्रज्वलन करून या पतसंस्थेचे उद्घाटन करण्यात आले. यावेळी सोलापूर कृषी उत्पन्न बाजार समितीचे सभापती,माजी आमदार दिलीप माने, भाजपचे नगरसेवक गणेश वानकर, उद्योजक अविनाश महागावकर, येस न्यूज मराठी चे संपादक शिवाजी सुरवसे उपस्थित होते.
अंजनी महिला पतसंस्थेच्या चेअरमन रूपाली अवताडे, व्हाईस चेअरमन प्रिया गुंड तसेच सचिव गौरी अवताडे आणि अवताडे परिवाराच्यावतीने उपस्थित मान्यवरांचे स्वागत करण्यात आले. पतसंस्थेच्या संचालकांचा नीलकंठ शिवाचार्य महास्वामींच्या हस्ते सत्कार करण्यात आला. यावेळी माजी आमदार दिलीप माने यांनी आपल्या मनोगत मध्ये अंजनी महिला पतसंस्थेला शुभेच्छा दिल्या. विजय आणि गौरी अवताडे यांना बँकिंग क्षेत्राचा अनुभव असल्यामुळे ते पतसंस्था चांगली चालवतील अशी आशा व्यक्त केली. यावेळी नीलकंठ शिवाचार्य महास्वामी यांनी कन्नड मधून मनोगत व्यक्त करून पतसंस्थेला शुभेच्छा दिल्या.
प्रारंभी गौरी अवताडे यांनी मनोगत व्यक्त करून उपस्थितांचे स्वागत केले आणि पतसंस्थेबद्दल माहिती दिली. याप्रसंगी नगरसेवक गणेश वानकर,अविनाश महागावकर, शिवाजी सुरवसे यांनीही मनोगत व्यक्त करून अंजनी महिला पतसंस्थेला शुभेच्छा दिल्या. या शुभारंभ प्रसंगी विविध क्षेत्रातील मान्यवरांनी उपस्थित राहून अवताडे परिवाराला शुभेच्छा दिल्या.
