केंद्र सरकारच्या महिलांचा सन्मान योजनेअंतर्गत इंडेन गॅसच्या प्रधानमंत्री उज्ज्वला गॅस योजनेमधून wow संघटने च्या वतीने १५६ महिलांना मोफत गॅस कनेक्शनचे वितरण करण्यात आले. यामध्ये एक भरलेला सिलेंडर, एक शेगडी, एक रेग्युलेटर व एक रबर ट्यूबचे वाटप करण्यात आले.
कुमठा नाका येथील प्रेषक इंडियन गॅस एजन्सीच्या प्रांगणात भाजपाच्या शहर अध्यक्षा नगरसेविका रोहिणी तडवळकर यांच्या हस्ते सर्व लाभार्थी महिलांना मोफत गॅस टाकी व शेगडीसह गॅस कनेक्शनचे वितरण करण्यात आले.
यावेळी प्रमुख उपस्थितीमध्ये नगरसेवक शिवाजीराव वाघमोडे, नगरसेवक सात्विक बडवे, नगरसेविका वैदाबानो भंडाले , सभापती व नगरसेवक दत्तात्रय बडगू, नगरसेविका आश्विनी चव्हान, नगरसेवक आनंददादा भवर, माजी नगरसेविका लताताई फुटाणे, नगरसेवक व्यंकटेश कोंडे, शिवानंद कावडे, ऋतुजा आंदेली, अफरीन पटेल, नगरसेवक अर्जुन जाधव, नगरसेविका नडगिरी ताई, यशोदा सोनवणे, किसन गरजे, जगन्नाथ चवान, नवले लक्ष्मण सातपूते, सिद्धेश्वर रूपनर, सी.ए. बिराजदार आदी उपस्थित होते.
प्रारंभी गॅस एजन्सीच्या प्रवर्तक विद्या लोलगे यांनी उपस्थितांचे स्वागत केले
गॅस एजन्सीतर्फे कार्यक्रम यशस्वी होण्यासाठी नम्रता जाधव, अर्चना अवर, अबू काझी,आदींनी विशेष परिश्रम घेतल्यामुळे त्यांचाही गौरव करण्यात आला. तसेच अमित कुलकर्णी, अभिजीत राजपूत, किरण राजपूत व श्रीपाद परलेकांडा यांनी कार्यक्रम यशस्वी करण्यासाठी विशेष परिश्रम घेतले.
यंदा प्रधानमंत्री उज्ज्वला गॅस योजनेअंतर्गत इंडियन ऑईल कॉर्पोरेशनमार्फत प्रेषक इंडियन गॅस एजन्सीला एकूण ७८४ मोफत गॅस कनेक्शनचा कोटा मंजूर झाला आहे असेही विद्या लोलगे म्हणाल्या
