राजमाता सामाजिक प्रतिष्ठान व सारस्वत ब्राह्मण सोशल क्लब व दुर्गा मंगेश केटर्स यांच्या संयुक्त विद्यमाने आयोजित मोफत योग-प्राणायाम शिबिरास सोलापुरातील सारस्वत मंगल कार्यालय, डफरीन चौक येथे उत्साहपूर्ण वातावरणात शुभारंभ झाला. शिबिराच्या उद्घाटनप्रसंगी ॲक्सिस बँकेचे क्लस्टर हेड घनश्याम चंडक यांच्या शुभहस्ते दीपप्रज्वलन करून शिबिराची सुरुवात करण्यात आली.
यावेळी राजमाता सामाजिक प्रतिष्ठानचे संस्थापक अध्यक्ष रविंद्रजी नागणकेरी, प्रतिष्ठानचे अध्यक्ष सुहासजी गडदे, सदस्य सदाशिव व्हनमाने ,सदस्य अशोक नरुटे तसेच अनेक मान्यवर व योगप्रेमी साधक उपस्थित होते.
या सात दिवसीय शिबिरामध्ये योगासने, प्राणायाम, ध्यान, तणावमुक्त जीवनशैली व निरोगी आरोग्यासाठी उपयुक्त मार्गदर्शन योगाचार्य भगवान बनसोडे यांच्या मार्गदर्शनाखाली दिले जाणार आहे.
आरोग्य हीच खरी संपत्ती! चला, योगाचा स्वीकार करून निरोगी, आनंदी आणि सकारात्मक जीवनाकडे वाटचाल करूया.
