सोलापूर पुणे महामार्गावर मोडनिंब गावाच्या उड्डाणपुलावरून अवजड मालाची वाहतूक करणारा रिकामा ट्रेलर चालकाचे नियंत्रण सुटल्याने उड्डाणपुलावरून खाली पडला, ट्रेलरचालक बचावला
मोडनिंब – दि. ४ नोव्हेंबर २०२५ रोजी पहाटे पाच वाजण्याच्या सुमारास सोलापूर पुणे महामार्गावर मोडनिंब येथील उड्डाणपुलावर सोलापूर येथून पुणे येथे भरधाव वेगाने जाणाऱ्या एका अवजड मालाची वाहतूक करणारा रिकामा ट्रेलर क्रमांक GJ 39 T 2700 वरील चालकाचे ट्रेलर वरील नियंत्रण सुटल्याने सदर ट्रेलर सोलापूर वरून पुण्याला जाणाऱ्या लेन मधून पुण्याहून सोलापूरला जाणाऱ्या लेन मधून सुमारे वीस फूट उंचीवरून डाव्या बाजूला पडला.
ट्रेलरची पाठीमागची बाजू उड्डाणपुलावर सुरक्षेसाठी लावलेल्या लोखंडी आणि सिमेंटच्या कठड्यामध्ये अडकुन लोंबकळत असून या अपघाताची माहिती मिळताच वरवडे टोल प्लाजा येथील ग्रस्तीपथक, रुग्णवाहिका पथक आणि मोडनिंब महामार्ग पोलिस मदत केंद्राचे प्रभारी अधिकारी बालाजी साळुंखे- PSI, आणि त्यांचे कर्मचारी तात्काळ घटनास्थळी दाखल झाले या अपघातात कोणीही जखमी झाले नसून सदर अपघाताची माहिती टेंभुर्णी पोलिस स्टेशन येथील अपघात विभागाचे अधिकारी जगताप आणि सरडे यांना दिली असल्याची माहिती वरवडे टोल प्लाझा येथील गस्तीपथकाचे प्रमुख उमेश भोसले यांनी दिली.
