सोलापूर : श्री स्वामी समर्थ शासकीय व जिल्हा परिषद सेवकांची सहकारी पतसंस्था मर्यादित, सोलापूर या संस्थेची वार्षिक सर्वसाधारण सभा इंद्रधनू क्लब हाऊस, मरिआई चौक, सोलापूर येथे उत्साहात संपन्न झाली.
या सभेच्या अध्यक्षस्थानी संस्थेचे ज्येष्ठ संचालिका वर्षा खराडे व चेअरमन अंकुश कुंभार व व्हा.चेअरमन अनिल जगताप होते.यावेळी संस्थेचे संस्थापक चेअरमन अंकुश कुंभार यांनी संस्थेच्या वर्षभरातील कार्याचा आढावा मांडला. सभासदांसाठी कर्ज मर्यादा या वर्षापासून ११ लाख रुपये करण्यात आल्याचे त्यांनी सांगितले. संस्था नेहमीच सभासद हिताच्या दृष्टीने कामकाज करीत असून सर्व सभासदांना ९ टक्के लाभांश देण्यात येणार असल्याचेही त्यांनी जाहीर केले.
संस्थेला सन २०२५-२६ या सहकार वर्षासाठी लेखापरीक्षण वर्ग ‘अ’ प्राप्त झाल्याबद्दल सर्व सभासदांनी संचालक मंडळाचे अभिनंदन केले.
यावेळी प्रशांत गाजुळ, नवनाथ माळी, गंगाधर कांबळे यांनी मनोगत व्यक्त केले. सूत्रसंचालन भरत माळवतकर यांनी केले तर आभार राजकुमार जाधव यांनी मानले.यावेळी चेअरमन अंकुश कुंभार, व्हा. चेअरमन अनिल जगताप, सचिव पुंडलिक नवले, संचालक रामचंद्र मामाने, राजकुमार जाधव, दत्तात्रय चौगुले, गंगाधर कांबळे, भरत माळवतकर, माळाप्पा सलगर, महामुनी गायकवाड, संजय कोरे, नवनाथ जगताप, संचालिका स्वाती चोपडे, संचालिका मनीषा जमदाडे यांच्यासह सुभाष खराडे, अशोक अवताडे, हनुमंत लंगोटे आदी सभासद मोठ्या संख्येने उपस्थित होते.
