सोलापूर – श्री सिध्दरामेश्वरांच्या पुण्यनगरीत श्रीमंत मानाचा कसबा गणपतीच्या कृपाशिर्वादाने शेतकरी बांधवानी २००१ साली कसबा गणपती शेतकरी संघटना स्थापन केली. आज ही संघटना २५ व्या रौप्य महोत्सव वर्षात पर्दापण करीत आहे. कसबा भागातील रहिवासी जे पिढीजात शेतकरी असल्याने, शेती (विषयाला प्राधान्य दिले आहे. कारहुणवी हा सण शेतकऱ्यांच्या दृष्टीने फार मोठा मानला जातो. कसबा भागातील शेतकरी हा सण घरातील सर्व लहान, थोर, पुरुष, स्त्रीयांसह मोठ्या हौसेने व उत्साहाने साजरा करतात. हा सण पहिल्या दिवशी खांदे मळणी, दुसऱ्या दिवशी बैलांची पूजा, तिसऱ्या दिवशी कर असे साजरे केले जातात. कारहुणवीचा पहिला दिवस हा खांदे मळणीचा असतो. सकाळी बैलांना आंघोळ घातली जाते. त्यांनतर बेलांची पुजा करण्यात येते. खिचडी, मुटके यांचे नैवद्य दाखविले जातात.
दुसऱ्या दिवशी सकाळी बैलांना आंघोळ घातली जाते. नंतर बैलांच्या शिंगाना सजविले जाते. अंगाला पिवळी (पिचडी) ने रंगविले जाते. बैलांना पुरणपोळयांचा नैवद्य दाखविला जातो.
संध्याकाळी सहा वाजण्याच्या सुमाराला बेलांची मिरवणूक निघते. कसब्यातील तसेच सिध्दरामेश्वरांच्या पुण्यनगरीतील शेतकरी व सर्व थरातील प्रतिष्ठित मंडळी मिरवणुकीत सहभागी होतात. मिरवणुकीची सुरुवात श्रीमंत मानाचा कसबा गणपती पुजा करुन तसेच प्रमुख पाहुण्यांच्या हस्ते श्री. सिध्दरामेश्वरांच्या घुळीची पुजा केली जाते. वाद्यांच्या गजरात व अतिषबाजीने भव्य थाटात बेलांची मिरवणुक निघते. हा सण सोलापूर शहरात संघटनेद्वारे सामुहिकरित्या साजरा केल्याने, एक विशिष्ट महत्त्व प्राप्त झाले आहे. कसब्यातील सर्व शेतकरी व व्यापारी सामुहिकरित्या हा सण साजरा करतात.
या सणाच्या निमित्ताने दरवर्षी शेतकऱ्यांचे उत्कृष्ट कार्य व कार्याचे गौरव करण्यात येऊन यांना कृषि पुरस्काराने सन्मानित करण्यात येते. यंदाच्या वर्षाचे मानकरी गंगाधर प्रफुलचंद्र बिराजदार, निबर्गी, ता.द. सोलापूर, जि. सोलापूर उत्पादन तुर पिकाचे विक्रमी उत्पादन (१६ क्विंटल) केल्यानिमित्त यांना (पुरस्काराचे स्वरुप – शाल, श्रीफळ, हार, स्मृतीचिन्ह, फेटा) व श्री.राम भुजंगा मुळे, निलेगाव, ता. तुळजापु, जि.धाराशिव उत्पादन कलिंगड पिकाचे विक्रमी उत्पादन (क्षेत्र सव्वा एकर ६० दिवसात ४६ टन) केल्यानिमित्त यांना (पुरस्काराचे स्वरुप शाल, श्रीफळ, हार, स्मृतीचिन्ह, फेटा) बिराजदार यांचे सालगडी ,बिरप्पा शिवलिंग कांबळे, ,मुळे हे स्वतः व त्यांची पत्नी छाया भुजंगा मुळे या दोघांचा के. सिद्रामप्पा गुंगे यांच्या स्मरणार्थ प्रतिवर्षीप्रमाणे गुंगे परिवारातर्फे रोख तसेच उत्कृष्ट बैल व उत्कृष्ट बैलजोडी यांना के. आण्णाराव थोबडे यांच्या स्मरणार्थ यंदाच्या वर्षी रोख स्वरुपात बक्षीस देऊन सत्कार करण्यात येणार आहे.
बैलजोडयांना सजवून मिरवणूकीच्या अग्रभागो सनई-चौघडे, हलग्या, दोन बॅन्ड पथके, विद्युत रोशनाई, अतिषबाजीने भव्य दिव्य मिरवणूक काढण्यात येते. मिरणवणू मार्ग- कसबा गणपती मंदिर-टिळक चौक-होटगी मठ बोळ- मल्लिकार्जन मंदिर बाळीवेस-चाटी गल्ली-मंगळवार पेठ चौकीशिवानुभव मंगल कार्यालय कुंभार वेस वारद बोळ सराफ कट्टा मधला मारुती शुक्रवार पेठ- कसबा पोलिस चोकी-दत्त चौक-महालक्ष्मी डेअरी-मसरे गल्ली ते कसबा गणपती मंदिर येथे विसर्जन करण्यात येणार आहे.
