सोलापूर.- सोलापुरातील राधाकिशन फोमरा मूकबधिर विद्यालयास रोटरी ग्लोबल ग्रँटच्या माध्यमातून मोबाईल व्हॅन, मूकबधिर विद्यार्थ्यांसाठी समूह श्रवण यंत्रे आणि शैक्षणिक साहित्य अशी लाखो रुपये किंमतीची अनमोल भेट देण्यात आली. याचा उद्घाटन समारंभ 3 जून रोजी दमानि नगर येथील स्वादिष्ट रेस्टॉरंट येथे पार पडला.
या कार्यक्रमाचे उद्घाटन पी डी जी रोटे. डॉ रवि वदलामणी यांच्या शुभहस्ते करण्यात आले.
याप्रसंगी आय पी डी जी स्वाती हेर कल, डी जी रोटे डॉ सुरेश साबू , रमेश वंगला, डी जी इ सुधीर लातुरे, डॉक्टर गिरीश कुमठेकर , संतोष भंडारी, जयेशभाई पटेल इत्यादी मान्यवरांनी आपली मनोगते व्यक्त केली आणि शुभेच्छा दिल्या. रोटरी नॉर्थ राधाकिशन फोमरा या मूकबधिर विद्यालय मागील 51 वर्षांपासून गुणवत्ता पूर्ण शिक्षण देत आहे. येथे शिक्षण घेतलेली मुले विविध संस्थांमध्ये तसेच सरकारी कार्यालयात विनम्रतेने सेवा देत आहेत.
मूकबधिर विद्यार्थ्यांना पूर्वी सिटीबस सेवा उपलब्ध होती. त्या नंतर रिक्षाने सोय करण्यात आली. पण एकत्रित आणि सुखकर प्रवास घडत नव्हता. आता शहरातील विविध भागात रहिवास असणाऱ्या मूकबधिर विद्यार्थ्यांना एकत्रित रित्या शाळेपर्यंत पोहोचवण्याचे काम या मोबाईल व्हॅन द्वारे घडणार आहे. मूकबधिर विद्यार्थ्यांना ऐकू येण्यास आवश्यक असणारी उपकरणे यामध्ये उपलब्ध करून देण्यात आली आहेत असे या कार्यक्रमाचे प्रमुख पाहुणे, पास्ट डिस्ट्रिक्ट गव्हर्नर रोटेरियन डॉ रवि वदलामणी यांनी यावेळी सांगितले. मोबाईल व्हॅन, आणि शैक्षणिक साहित्य प्रदान सोहळ्यात ते बोलत होते.
प्रारंभी रोटरी क्लब ऑफ सोलापूर नॉर्थ च्या अध्यक्षा डॉ जानवी माखिजा यांनी सर्व मान्यवरांचे स्वागत आणि कार्यक्रमाचे प्रास्ताविक केले. अध्यक्षा डॉ जानवी माखिजा यांनी कार्यक्रमाचे उद्घाटक आणि प्रमुख अतिथी पी डी जी रोटे डॉ रवि वदलामणी यांचा पुष्पगुच्छ आणि स्मृतिचिन्ह देऊन सत्कार केला. या प्रसंगी विशेष उपस्थित असणारे शाळेचे आधारस्तंभ श्री राजेशजी दमानि यांचा सत्कार शाळेचे सचिव सुनील दावडा यांनी केला. रोटे राजगोपालजी झंवर यांच्या हस्ते प्रांतातल डॉ सुरेश साबू यांचा सत्कार करण्यात आला तर रोटे. राजलक्ष्मी वडलामणी यांचा सत्कार क्षितिजा गाताडे यांनी केला. अन्य मान्यवरांचा या प्रसंगी सत्कार करण्यात आला.
कार्यक्रमाचे सूत्रसंचालन रोटे.उषा जमादार यांनी केलेतर आभार प्रदर्शन सचिव सुनील दावडा यांनी केले.या कार्यक्रमास अंकित दमानी, दीपक आर्वे, स्वप्नील कोंडगुळे, धनश्री केळकर, संतोष सपकाळ, युगंधर जिंदे, दीपक आहुजा प्रशांत अपराध, बबनराव शेंडगे, संतोष भंडारी, आसावरी सराफ, डॉ किरण सारडा, डॉ अंजली बलदवा , पारूल बेन पटेल, मुकेशभाई मेहता, संजय चौगुले, डॉ बाळासाहेब शितोळे, डॉ शिरशेट्टी, मूकबधिर शाळेतील सर्व शिक्षक, कर्मचारी आणि विद्यार्थी आदि उपस्थित होते.
