ग्रामीण विकास संस्था माढाला यंदाचा जिल्हास्तरीय युवा मंडळ उत्कृष्ट संस्था पुरस्कार प्रदान |

माढा तालुक्यातील सोलंकरवाडी येथील ग्रामीण विकास संस्था माढा या संस्थेस नेहरू युवा केंद्र सोलापूर यांचे वतीने कला,क्रीडा,शैक्षणिक, सामाजिक, पर्यावरण, आरोग्य या क्षेत्रात सन 2021-22 या काळात उल्लेखनीय कामगिरी केल्याबद्दल जिल्हास्तरीय युवा मंडळ पुरस्कार प्रजासत्ताक दिनी जिल्हाधिकारी मिलिंद शंभरकर यांचे हस्ते तर मुख्यकार्यकारी अधिकारी दिलीप स्वामी, पोलीस आयुक्त राजेंद्र माने, सोलापूर महानगरपालिका आयुक्त शीतल तेली-उगले, जिल्हा युवा अधिकारी अजितकुमार, सुभाष चव्हाण यांचे प्रमुख उपस्थितीत प्रदान करण्यात आला.

सन्मानपत्र, सन्मानचिन्ह व 25 हजार रुपये पुरस्काराचे स्वरूप असून हा पुरस्कार संस्थेचे अध्यक्ष विक्रम भांगिरे, सचिव गोपाळ माळी, अनिल नाना मोरे, जय हनुमान कृषी विकास गटाचे अध्यक्ष गणेश माळी, आनंद भांगिरे यांनी स्वीकारला. मागील अनेक दिवसांपासून सोलंकरवाडी व परिसरात अनेक सामाजीक उपक्रम राबविण्यात आले असून यासाठी सर्वांचे सहकार्य लाभले आहे. हा पुरस्कार संस्थेचा नसून गावाचा आहे, गावाने व सर्व पदाधिकारी, अधिकारी पत्रकार, विविध संस्था यांचे यासाठी खूप मोठे योगदान असल्याचे संस्थेचे अध्यक्ष विक्रम भांगिरे यांनी आवर्जून सांगितले.

ग्रामीण विकास संस्था माढाला यंदाचा जिल्हास्तरीय युवा मंडळ उत्कृष्ट संस्था पुरस्कार प्रदान