स्वामी विवेकानंद शिक्षण संकुलकडून 74 वा प्रजासत्ताक दिन साजरा |

सोलापूर – नॅशनल असोसिएशन फॉर द ब्लाइंड जिल्हा शाखा सोलापूर संचलित स्वामी विवेकानंद शिक्षण संकुल, एमआयडीसी सोलापूर येथे भारताचा 74 वा प्रजासत्ताक दिन साजरा करण्यात आला. या कार्यक्रमप्रसंगी प्रमुख अतिथी म्हणून रवींद्र कोळी, सुधा अळळीमोरे, नॅब संस्थेचे हार्दिक निमाणी साहेब व कार्यक्रमाच्या अध्यक्षस्थानी प्रशालेच्या मुख्याध्यापिका सीमा यलगुलवार, प्राथमिक शाळेच्या मुख्याध्यापिका ताटे मॅडम उपस्थित होत्या.

प्रारंभी प्रमुख अतिथी व अध्यक्ष यांच्या शुभहस्ते प्रतिमेचे पूजन करून ध्वजारोहण करण्यात आले. 74 व्या प्रजासत्ताक दिनाच्या या कार्यक्रमामध्ये विद्यार्थ्यांनी मानवी मनोरे, लेझीम, देशभक्तीपर समूहगीत, समूह नृत्य व प्रजासत्ताक दिन विषयावर भाषण सादर केले. प्रमुख अतिथी व अध्यक्ष यांच्या मनोगतामध्ये भारतीय संविधान, त्याचे महत्व, हक्क व अधिकार, समाजसेवा, देशसेवा याविषयी विद्यार्थ्यांना मार्गदर्शन केले. कार्यक्रमाचे सूत्रसंचालन व आभार शिंदे सर यांनी केले.

स्वामी विवेकानंद शिक्षण संकुलकडून 74 वा प्रजासत्ताक दिन साजरा