नाशिकरोड वडनेर गाव ऑर्टलरी सेंटर कारगिल गेट परिसरात बिबट्याच्या हल्ल्यात दोन वर्षीय बालकाचा दुर्दैवी मृत्यू झाला आहे. परवा रात्री दहा वाजता अंगणात खेळत असताना श्रुतीक गंगाधर या चिमुकल्याला बिबट्याने उचलून नेलं होतं.
रात्रभर सुरू असलेल्या शोधमोहीमेनंतर काल रात्री वालदेवी नदीकाठी असलेल्या जंगल परिसरातून या बालकाचा मृतदेह आढळून आला. घटनेमुळे परिसरात भीतीचं वातावरण निर्माण झालं असून गावकऱ्यांमध्ये संतापही व्यक्त केला जात आहे.
दरम्यान, वनविभाग आणि पोलिसांकडून बिबट्याला पकडण्यासाठी सापळे लावले असल्याची माहिती मिळत आहे.
