सोलापूर- आयुक्त, सचिन ओंबासे सोलापूर महानगरपालिका यांच्या दूरदृष्टीपूर्ण संकल्पनेनुसार, आज निर्मलकुमार फडकुले सभागृह, सिद्धेश्वर मंदिराजवळ, सोलापूर येथे ऑटो डीसीआर सॉफ्टवेअरवरील प्रशिक्षण व जनजागृती सत्र यशस्वीरीत्या पार पडले. या सत्राचे आयोजन क्रेडाई सोलापूर व सोलापूर महानगरपालिका यांच्या संयुक्त विद्यमाने करण्यात आले होते, तर तांत्रिक मार्गदर्शन सॉफ्टटेक इंजिनिर्स प्रा. ली. यांनी केले.
सत्रामध्ये क्रेडाई,बिल्डर्स असोशिअशन, कान्सल्टिंग सिव्हिल इंजिनिर्स असो, आर्किटेक्ट असो. या संस्थांचे प्रतिनिधी तसेच अधिकृत अभियंते, आर्किटेक्ट्स व ड्राफ्ट्समेन मोठ्या संख्येने उपस्थित होते. सॉफ्टवेअरचे थेट प्रात्यक्षिक सादर करण्यात आले, ज्यात सविस्तरपणे त्याचे कार्यपद्धती, उपयोग व फायदे स्पष्ट करण्यात आले.
आयुक्त सचिन ओंबासे यांनी उपस्थितांशी संवाद साधला आला व त्यांच्या प्रश्नांना उत्तरे देण्यात आली. नागरिकांना जलद सेवा देण्याच्या दृष्टीने अशा उपक्रमांचे महत्त्व अधोरेखित केले. तसेच ईज ऑफ डूइंग बिझनेस अंतर्गत अधिक सुलभता, तप्तरता आणि पारदर्शकता आणण्याचे आश्वासित केले.
सहभागी बांधकाम व्यावसायिकांनी या उपक्रमाचे कौतुक केले व सॉफ्टवेअरच्या अंमलबजावणीबाबत सकारात्मक अभिप्राय दिला.
नगर रचना उपसंचालक मनीष भिष्णुरकर, उप अभियंता मठपती, क्रेडाई अध्यक्ष अभिनव साळुंखे, सुनील फुरडे, शशिकांत जिद्दीमणी, कन्सल्टिंग सिव्हिल एंजिनियर चे अध्यक्ष भगवान जाधव, बिल्डर असोसिएशन चे अध्यक्ष संतोष कलगुटगी, आर्किटेक्ट असोसिएशन चे महेश पाटील, संतोष सुरवसे, आनंद पाटील, अभय सुराणा, राजेंद्र कांसवा, दत्ता मुळे, अशोक गांधी, युवराज चुंबळकर, संतोष बायस, वैभव होमकर, समीर गांधी, प्रियदर्शन शाह, प्रथमेश गांधी महापालिका नगर रचना विभागाचे अधिकारी उपस्थित होते.
