TOP 25 । आला मार्च एंड…फाईली पळू लागल्या..राजकीय बैठकांचा सपाटा..!

आज पासून तीन दिवस सोलापूर शहर आणि जिल्ह्यात खूप मोठ्या घडामोडी घडणार आहेत. एकीकडे मार्च एंड जवळ आल्यामुळे असलेला निधी खर्ची टाकण्यासाठी विविध विभाग दिवस रात्र काम करत आहेत. महापालिकेची बजेटची सर्वसाधारण सभा सोमवारी होणार असल्यामुळे भाजप नगरसेवकांच्या दररोज बैठकावर बैठका प्रशासनासोबत सुरू आहेत. आज पालकमंत्री जयकुमार गोरे सोलापूर दौऱ्यावर असून त्यांच्या उपस्थितीमध्ये बालाजी सरोवर मध्ये जिल्ह्यातील लोकप्रतिनिधी समवेत सोलापूर झेडपीतील सभापती निवडी संदर्भात बैठक पार पडली. उद्या आणि परवा दोन दिवस सुट्टी असल्यामुळे आज तसेच सोमवार आणि मंगळवार दिवस रात्र शासकीय कार्यालये तसेच ट्रेझरी सुरू राहणार आहे. एकूणच सर्व मार्च एंड आला..पळापळा..असेच चित्र सर्वत्र पाहायला मिळत आहे.