आमदार रणजितसिंह मोहिते -पाटील व आमदार अभिजीत पाटील येत्या अर्थसंकल्पीय अधिवेशनात ग्रंथालयांच्या प्रश्नावर आवाज उठविणार..
सोलापूर जिल्हा ग्रंथालय संघाचे ४६ वे वार्षिक अधिवेशन अरण येथील यशोदा गुरुकुलच्या प्रांगणात संपन्न झाले. आमदार रणजितसिंह मोहिते पाटील यांनी उपस्थित राहून ग्रंथालय चळवळीच्या विविध मुद्द्यांवर ग्रंथालय पदाधिकाऱ्यांशी संवाद साधला. वाचनसंस्कृतीचा विस्तार, सार्वजनिक ग्रंथालयांचे बळकटीकरण तसेच ग्रंथालय कर्मचाऱ्यांच्या न्याय्य मागण्यांसाठी ग्रंथालय चळवळ अधिक सक्षम झाली पाहिजे, यासाठी सातत्याने कार्यरत राहण्याची ठाम भूमिका यावेळी व्यक्त केली.माढ्याचे आमदार अभिजित पाटील यांनी राज्याच्या येत्या अर्थसंकल्पीय अधिवेशनात ग्रंथालयाचे प्रश्न प्रभावीपणे मांडू असे सांगितले.
या अधिवेशनप्रसंगी जिल्हा ग्रंथालय संघाच्या सन २०२६ च्या दिनदर्शिकेचे प्रकाशन करण्यात आले. अधिवशनाचे स्वागताध्यक्ष ग्रंथमित्र हरिदास रणदिवे यांनी कार्यक्रमाचे प्रास्ताविक केले तर सुत्र संचालन सोलापूर जिल्हा ग्रंथालय संघाच्या संचालिका प्रा. सुप्रिया रणदिवे- किरनाळे यांनी केले. अधिवेशनाच्या दुसऱ्या सत्रात ड्रीमर्सअँड डूअर्स इंटरनॅशनलचे प्रेरक वक्ते सुभाष रणदिवे यांनी ग्रंथालय – सामाजिक परिवर्तनाचे प्रभावी माध्यम ह्या विषयावर अभ्यासपूर्ण प्रभावी मार्गदर्शन केले.
यावेळी डॉ. गजानन कोटेवार,ग्रंथमित्र हरिदास रणदिवे सर ,डॉ. बी. पी. रोंगे,यशोदा गुरुकुलच्या संस्थापिका सुनीताताई रणदिवे, सोलापूर जिल्हा ग्रंथालय अधिकारी सुनील हुसे, तांत्रिक सहाय्यक प्रमोद पाटील, निरीक्षक संजय ढेरे, सोलापूर जिल्हा ग्रंथालय संघाचे अध्यक्ष विजयकुमार पवार सर, उपाध्यक्ष पांडुरंग सुरवसे, सचिव साहेबराव शिंदे , पुण्याचे ग्रंथमित्र सोपानराव पवार, लातूरचे ग्रंथमित्र राम मेकले, कोल्हापूरचे भीमराव पाटील , माजी जि. प. सदस्य भारत शिंदे, माजी पं. स. सदस्य बाळासाहेब पाटील, ग्रंथमित्र कुंडलिक मोरे, ग्रंथमित्र गुलाबराव पाटील , ग्रंथमित्र अनिल पाटील, शैलशिल्पा जाधव, जोतिराम गायकवाड,अन्सार शेख ग्रंथालय संघांचे पदाधिकारी व शासकीय अधिकारी व ग्रंथालय कार्यकर्ते व सेवक मोठया संख्येने उपस्थित होते.
