सोलापूर : सोलापूर शहराचे सहाय्यक पोलीस आयुक्त सुधीर खीराडकर यांनी आज सोलापूर महानगरपालिकेचे नूतन महापौर विनायक कोंड्याल यांची सदिच्छा भेट घेऊन महापौरपदी निवड झाल्याबद्दल त्यांचे अभिनंदन करून शुभेच्छा दिल्या. यावेळी नगरसेवक अक्षय अजिखाने, यतिराज व्हनामाने,भोजराज पवार हेही उपस्थित होते. या भेटीदरम्यान सोलापूर शहरातील वाहतूक व्यवस्थेबाबत सविस्तर चर्चा करण्यात आली. विशेषतः शहरातील प्रमुख चौकांमध्ये होणारी वाहतूक कोंडी, सिग्नल व्यवस्था, झेब्रा क्रॉसिंगची अंमलबजावणी तसेच वाहतुकीचे नियोजन अधिक सक्षम करण्याबाबत विचार विनिमय झाला.यावेळी महापौर विनायक कोंड्याल यांनी शहरातील वाहतूक व्यवस्था सुरळीत करण्यासाठी सोलापूर महानगरपालिका व पोलीस प्रशासन यांच्या संयुक्त समन्वयातून लवकरच विशेष बैठक आयोजित करण्यात येईल, असे आश्वासन दिले.
या बैठकीत शहरातील प्रमुख चौकांवरील सिग्नल व्यवस्था, झेब्रा क्रॉसिंगचे नियोजन, वाहतूक कोंडी कमी करण्यासाठी आवश्यक उपाययोजना तसेच नागरिकांच्या सुरक्षिततेच्या दृष्टीने विविध निर्णय घेण्यात येणार असल्याचे त्यांनी सांगितले.सोलापूर शहरातील वाहतूक व्यवस्थेत सुधारणा करण्यासाठी महानगरपालिका व पोलीस प्रशासन एकत्रितपणे काम करतील, असा विश्वास यावेळी व्यक्त करण्यात आला.
