श्री ग्रामदैवत सिद्धरामेश्वर नगरी सोलापूर महानगरपालिकेच्या महापौर पदी विनायक कोंड्याल यांची निवड तसेच रंजीता ताई चाकोते यांची महापालिका स्थायी समिती चेअरमन पदी निवड झाल्याबद्दल त्यांचाही भव्य सत्कार श्री श्री श्री 1008 डॉ चंद्रशेखर शिवाचार्य महास्वामीजी जगद्गुरु काशी पीठ जंगमवाडी यांच्या हस्ते हा सन्मान सोहळा दिनांक 14 मार्च 2026 रोजी वीरशैव लिंगायत प्रतिष्ठान तर्फे लिंगायत प्रतिष्ठान कार्यालयात मोठ्या उत्साहात पार पडला. प्रथमता जगद्गुरूंचे आगमन झाल्यानंतर प्रतिष्ठानचे संचालक सचिन कुलकर्णी यांनी जगद्गुरूंचे पाद पूजन केले व आशीर्वाद घेतला. त्यानंतर कार्यक्रमाला सुरुवात झाली. नवनिर्वाचित महापौर व स्थायी समिती चेअरमन यांचा सत्कार झाल्यानंतर, बोलताना महापौर विनायक कोंड्याल यांनी वीरशैव लिंगायत प्रतिष्ठान सोलापूर मध्ये सामाजिक कामामध्ये अग्रेसर असल्याचे सांगितले. आमच्या सत्कारामधून त्यांनी आमच्या जबाबदारीची जाणीव आम्हाला करून दिली याबद्दल आम्ही आभारी आहोत व वीरशैव लिंगायत सांस्कृतिक कन्नड भवन हे सोलापूर साठी भूषण असून त्यासाठी 25 लाख रुपये निधी महापौर निधीतून जाहीर केला व भवन पूर्ण होईपर्यंत मदत करणार असल्याची ग्वाही दिली व सत्कार बद्दल आभार व्यक्त केले तसेच स्थायी समिती चेअरमन रंजीता ताई चाकोते यांनी सुद्धा या भवन पूर्ण होण्यासाठी प्रयत्नशील राहणार असल्याचा शब्द दिला .
यावेळी जगद्गुरुंनी वीरशैव लिंगायत सांस्कृतिक कन्नड भवन उभारणी बद्दल महापौर यांनी 25 लाख निधी जाहीर केल्यानंतर समाजाच्या वतीने समाधान व्यक्त केले . भवनचे काम लवकरात लवकर पूर्ण व्हावे पुढील सर्व कार्यक्रम कन्नड भवन येथे व्हावे, अशी अपेक्षा व्यक्त केली. सोलापूर हे सिद्धरामेश्वर नगरी आहे, सिद्धरामेश्वर कर्मयोगी होते सिद्धारामेश्वरांचा आदर्श ठेऊन महापौर व सर्वांनी काम करून शहराचा विकास करावा असे आशीर्वाद दिले . यावेळी नूतन नगरसेवक प्रथमेश कोठे व स्वीकृत नगरसेवक अक्षय अंजीखाणे यांचाही सत्कार करण्यात आला . तसेच युवा डॉक्टर श्रुती पाटील व डॉक्टर काव्या पावरगी यांचा सुद्धा त्यांच्या यशाबद्दल सत्कार करण्यात आला. यावेळी सुधीरजी खरटमल, सिद्धया स्वामी हिरेमठ, डॉक्टर शैलेश पाटील , डॉ विजय शिवपुजे , एम के पाटील, डॉ प्रकाश घटोळे ,केदार उंबरजे, सुरेश शहापूरकर, प्रभूराज मैंदर्गीकर ,राजशेखर रोडगीकर ,बाबासाहेब देशमुख ,शंकर पावरगी ,एन डी जावळे ,मामा योगेश चडचणकर ,विश्वनाथ होसाळे, रामेश्वर झाडे प्रतिष्ठानचे अध्यक्ष राजशेखर विजापुरे तसेच सर्व संचालक मंडळी व पदाधिकारी उपस्थित होते . कार्यक्रमाचे सूत्रसंचालन मंगेश स्वामी यांनी केले तर आभार सोमा शरणार्थी मान्यवरांचे स्वागत सुनील रामशेट्टी यांनी केले.
