TOP 25 । मुख्यमंत्र्यांच्या सभेमुळे सोलापूरच्या नेत्यांना आले बळ…!

मुख्यमंत्री देवेंद्र फडणवीस यांचा आज सोलापूर दौरा असून दुपारी हरिभाई देवकरण प्रशालेच्या मैदानावर त्यांची सभा होणार आहे. जिल्हा परिषद,महापालिका आणि नगरपालिकेमध्ये मिळालेल्या यशामुळे भाजपच्या पदाधिकाऱ्यांचा मुख्यमंत्र्यांच्या हस्ते सत्कार होणार आहे. भर उन्हात दुपारी ही सभा होणार असल्यामुळे एसी, कुलर तसेच जर्मन हँगर मंडप ची सभेच्या ठिकाणी व्यवस्था करण्यात आली आहे. सोलापूरचा आयटी पार्क, पंढरपूर कॉरिडॉर, सोलापूरची विमान सेवा, एमआयडीसीतील रस्ते, प्रस्तावित चौदाशे कोटी रुपयांची पाणीपुरवठा योजना, रखडलेली उड्डाणपूल आणि सोलापूर शहरातील भाजपमध्येच असलेले राजकारण यावर मुख्यमंत्री देवेंद्र फडणवीस काय भाष्य करतात याकडे सोलापूरकरांचे लक्ष लागले आहे.