सोलापूर : सोलापूर दुर्लभ सुन्द्री वाद्या कला अकादेमी व सांस्कृतिक मंत्रालय भारत सरकार यांच्या संयुक्त विदयमाने रविवार दि. 20 मार्च 2022 रोजी संगीत प्रतिभा महोत्सव आयोजित करण्यात आलेला आहे. यावेळी पंडित चिदानंद जाधव स्मृती युवा गंधर्व पुरस्कार सोहळा आयोजित केलेला आहे ही माहिती दुर्लभ सुन्द्री वाद्या कला अकादेमीचे अध्यक्ष पंडित भिमण्णा जाधव यांनी पत्रकार परिषदे मध्ये दिली.
रविवार सांयकाळी 5.30 वाजता अम्पी थेअटर हिराचंद नेमचंद वाचनालय पार्क चौक सोलापूर येथे पोलीस आयुक्त हरिश बैजल व छाया बैजल व महाराष्ट्र राज्य सरकारचे सांस्कृतीक कार्य संचनालयचे संचालक बिभीषण चवरे, येस न्युज मराठीचे संपादक शिवाजी सुरवसे यांच्या हस्ते संगीत प्रतिभा महोत्सवचे उदघाटन होईल पंडित चिदानंद जाधव स्मृती पित्यर्थ युवा गंधर्व पुरस्कार वितरण होणार आहे.
पुरस्काराचे स्वरुप ११ हजार/- स्मृती चिन्ह, शाल, श्रीफळ असे आहे. पुरस्कार मानकरी मंदार गाडगीळ-शास्त्रीय गायन पुणे, ऋषीकेश मजुमदारबासरी वादन मुंबई, सारंग कुलकर्णी- शास्त्रीय हार्मोनियम वादन बेळगाव कनार्टक, सुश्री रचना कर्णिक, भरतनाट्यम बेंगलूर यांना युवा गंधर्व पुरस्कार प्रदान करण्यात येईल. गेल्या चार पिढी पासून सुन्द्रीवादनास चौघडा वादन साथ करणारे राजेंद्र भवाळ यांचा सत्कार सोहळा संपन्न होणार आहे. तसेच सायंकाळी ५.३० नंतर संगीत प्रतिभा महोत्सव पार पडणार आहे.
