TOP 25 – सोलापूर-मुंबई विमानसेवेवर प्रवाशांचा नाही भरोसा, 3250 रु अनुदान फुकटात

गोवा ते हैदराबाद व्हाया सोलापूर या फ्लाय 91 या विमान कंपनीने सुरू केलेली विमान सेवा चांगली चालली आहे. गोव्याप्रमाणेच हैदराबादला देखील सोलापूरकर चांगली पसंती दाखवत आहेत. ही जमेची बाजू असली तरीही स्टार एयरने सोलापूर मुंबई याबाबतची सतत धडसोड वृत्ती ठेवल्यामुळे तिला कमी प्रतिसाद मिळत आहे. विशेष म्हणजे स्टार एअरला सोलापूर ते मुंबई या विमान सेवेसाठी प्रत्येक रिकाम्या शीट ला 3250 रुपयाचे अनुदान शासनाकडून मिळत आहे. सोलापूर हुन मुंबईकडे जाणारी चुकीची वेळ, ज्यादा तिकीट दर, वारंवार बदलले जाणारे वेळापत्रक त्यामुळे मुंबईला ये जा करण्यासाठी सिद्धेश्वर एक्सप्रेस हीच ट्रेन विमानापेक्षा सोलापुरकरांना अधिक विश्वासार्ह वाटते. अगोदर पाच दिवस नंतर चार दिवस असे करत करत आता स्टार एअरने मे महिन्यात आठवड्यातील फक्त दोनच दिवस सोलापूर ते मुंबई ही विमानसेवा सुरू ठेवणार असल्याचे जाहीर केले आहे. त्यामुळे तांत्रिक कारण पुढे करत मे महिन्यापासून स्टार एअर आता सोलापुरातून मंगळवार आणि गुरुवार अशी दोनच दिवस मुंबईसाठी विमानसेवा देणार आहे.