नाशिक मधील भोंदू बाबा अशोक खरात यांचे दररोज नवनवे कारनामे तपास यंत्रणेत पुढे येत असताना आता सोलापुरात देखील एका भोंदू बाबाला पोलिसांनी बेड्या ठोकल्या आहेत. मनोहर भोसले राहणार उंदरगाव तालुका करमाळा असे या भोंदू बाबा चे नाव असून तो स्वतःला बाळूमामाचा अवतार समजत होता. या नावाखाली त्यांनी अनेक महिलांचे शोषण केले असून अनेकांची फसवणूक देखील केली आहे. कुर्डूवाडी पोलीस ठाण्यात काल गुन्हा दाखल झाल्यानंतर त्याला अटक करण्यात आली तर आज माढा कोर्टाने या भोंदू बाबाला तीन दिवसाची पोलीस कोठडी सुनावली. पुणे जिल्ह्यातील इंदापूर तालुक्यातील लासुरणे या मूळ गावचा हा मनोज भोसले. याने करमाळ्यात उंदर गावात मठ काढून अनेकांना उल्लू बनवले. आता पोलीस तपासणी मध्ये अटक केलेला भोंदू बाबा मनोहर भोसले आणि त्याचा साथीदार विशाल वाघमारे याचे कारनामे उघड होणार आहेत.
नाशिक नंतर आता सोलापुरात गाजतोय मनोहर भोंदू बाबा
