सोलापूर जिल्हा आर्टिस्ट अभिनव सहकारी संस्था मर्यादित सोलापूर तर्फे सालाबादप्रमाणे यंदाही चित्र शिल्प – प्रदर्शनाचे आयोजन करण्यात आले आहे. संस्थेची स्थापना होऊन पाच वर्षे झाले आणि यंदाचे चित्र व शिल्प – प्रदर्शन हे तिसरे असून याप्रसंगी भव्य चित्र शिल्प प्रदर्शनाचे आयोजन करण्यात आले आहे .
साधारणपणे सोलापूर जिल्ह्यातील 40 कलावंतांनी या प्रदर्शनात सहभाग घेतला असून त्यांच्या कलाकृतीं सोलापूरकरांना पहायला मिळणार आहेत. विविध प्रकारचे पेंटिंग व शिल्प कला महाविद्यालयातील विद्यार्थी ते चित्रकार यांच्या कलाकृती पाहायला मिळणार आहेत.
दिनांक 24 , 25 , 26 जानेवारी या तीन दिवशी हुतात्मा स्मृती मंदिर च्या पार्किंग एरियामध्ये सदर चित्र प्रदर्शन सर्वांसाठी खुले असणार असून सर्वांनी याचा लाभ घ्यावा असे आयोजकांकडून कळवण्यात आलेले आहे.
सदर कार्यक्रमाला उद्घाटक म्हणून माननीय प्राध्यापक मधुकर वंजारी सर जेजे स्कूल ऑफ आर्ट शिल्प विभाग मुंबई हे उपस्थित राहणार आहेत. कार्यक्रमाचे अध्यक्ष माननीय सौ मनीषा कुंभार निवासी उपजिल्हाधिकारी या असणार आहेत. प्रमुख पाहुणे म्हणून धर्मराज काडादी , अध्यक्ष श्री सिद्धेश्वर देवस्थान पंचकमिटी ,श्री भगवान चव्हाण प्रसिद्ध चित्रकार चेन्नई तामिळनाडू , उद्योगपती दत्ता अण्णा सुरवसे, आणि अतुल केडिया स्कूल ऑफ डिझाईन एमआयटी सोलापूर, म्हणजे वैष्णवी डिवरे ऍडमिशन विभाग प्रमुख एमआयटी सोलापूर या प्रमुख अतिथींच्या उपस्थितीत चित्र – शिल्प प्रदर्शनाचा उद्घाटन समारंभ पार पडणार आहे .
त्याचप्रमाणे उद्घाटनानंतर सायंकाळी साडेसहा वाजता महाराष्ट्र साहित्य परिषद पुणे, शाखा सोलापूर यांच्या वतीने कवी संमेलनाचे आयोजन चित्र – शिल्प प्रदर्शन स्थळी करण्यात आले आहे तरी कला – साहित्य रसिकांनी याचाही लाभ घ्यावा असे आयोजकांमार्फत कळविण्यात आलेले आहे.
सोलापूर जिल्हा आर्टिस्ट अभिनव सहकारी संस्था मर्यादित सोलापूर तर्फे विविध अनेक उपक्रम यापूर्वीही राबवण्यात आलेल्या भारतातील मुंबई येथील ख्यातनाम जहांगीर आर्ट गॅलरी येथे सोलापुरातील या चित्रकार शिल्पकारांनी चित्र – शिल्पप्रदर्शन अतिशय यशस्वीपणे पार पडलेले आहे. महाराष्ट्र शासन आयोजित महासंस्कृती कला प्रदर्शन , मृदा दिन , महिला दिन , संस्थेकडून अनेक उपक्रम विशेष दिनविशेष च्या औचित्य साधून राबविले जातात महाराष्ट्रातली कलावंताची एकमेव सहकारी संस्था आहे
संस्थेचे अध्यक्ष चित्रकार विठ्ठल मोरे , सचिव डॉ. नरेंद्र काटीकर , संचालक रामचंद्र हक्के, देवेंद्र निंबर्गीकर , सचिन गायकवाड , प्रवीण रणदिवे , नितीन जाधव या सर्वांच्या परिश्रमाने सदर चित्र प्रदर्शन पार पाडत असून सोलापूरकरांनी या चित्रशिल्पप्रदर्शनास भरघोस प्रतिसाद द्यावा असे आवाहन या मंडळींनी केले आहे.
