कांद्याचे दर प्रति किलो १४ रुपयांनी घटले!

मुंबई : देशभरात अचानक महागाईचा भडका उडालाय. पण कांद्याचे दर मात्र कमालीचे गडगडले आहेत. ही परिस्थिती उद्भवल्याने या कांद्याने शेतकऱ्यांना अक्षरशः रडवलंय. कांद्याचे दर अचानकपणे 14 ते 15 रुपये प्रति किलोने नेमके का घटले. गेल्या 2 वर्षात कोरोनामुळे बाजारपेठा ठप्प होत्या. बाजारपेठा ठप्प असताना देखील शेतकरी शेतात राबत होता. त्यात कांदा उत्पादक देखील मागे नव्हते. कोरोना काळात शेतकऱ्यांना त्यांचा कांदा सरासरी 5 रुपये किलोने विकावा लागला. आता कोरोनाचा प्रादुर्भाव कमी झाला बाजारपेठा खुल्या झाल्या. मात्र असं असलं तरी कांदा उत्पादकांच्या अडचणी कमी होण्याचे नाव घेत नाहीत. कांद्याचे दर हे प्रतिकिलो 8 ते 10 रुपयांवर येऊन ठेपले आहेत. त्यामुळे कांदा शेतकऱ्यांसह ग्राहकांना देखील रडवतोय.