No Result
View All Result
- सोलापूर: माघवारी पालखी सोहळ्यातील पहिला गोल रिंगण सोहळा शुक्रवार दि.२७ रोजी होणार असून आषाढी वारीतील माऊलींच्या अश्वाचे गोल रिंगण होणार आहे. श्री मार्कन्डेय मंदिर पंचकट्टा, सोलापूर या ठिकाणी दु. ३.३० वा. वारकरी परंपरेप्रमाणे जिल्हा अध्यक्ष ह.भ.प. श्री. बंडोपंत कुलकर्णी, शहर सचिव ह.भ.प. श्री. दत्तात्रय भोसले यांच्या माध्यमातून नित्यनेम पुर्ण करुन राष्ट्रीय उपाध्यक्ष ह.भ.प. भागवत महाराज चवरे, पंढरपूर, समिती अध्यक्ष मधुकर गायकवाड व शंकर भोसले, शहर संपर्क प्रमुख नामदेव पुलगम या मान्यवरांच्या शुभहस्ते श्री संत ज्ञानेश्वर महाराज पालखी व श्री संत तुकाराम महाराज पालखी पूजन करण्यात येणार आहे. तद्नंतर पद्मशाली ज्ञाती संस्था, सोलापूर सुरेश फलमारी, शहर सहअध्यक्ष किरण चिप्पा, पालखी प्रमुख श्रीकांत ढगे, विभागीय उपाध्यक्ष दगडू डोंगरे यांचेकडून रिंगणातील अश्वाचे पूजन करण्यात येईल. उपस्थित सर्व दिंडीचा – विणेकरी महाराजांचा सन्मान करण्यात येणार आहे. परंपरेचे अभंग झाल्यानंतर पालखी प्रस्थान सुरु होईल. सोलापूर शहर व जिल्ह्यातील विविध भागातील भाविक वारकरी “पंढरीसी जारे आल्यानो संसारा।” या न्यायाने माघवारी निमित्त पंढरपूरला पायी चालत जातात. त्या सर्व दिंडीतील भाविकांच्या उपस्थितीत हा सोहळा मार्गस्थ होतो. तेथून ही पालखी नॉर्थकोट प्रशालेच्या मैदानात आल्यानंतर सर्व चोपदारांकडून रिंगण लाऊन घेतले जाते.
- उपस्थित मान्यवरांचा अखिल भाविक वारकरी मंडळाचे पदाधिकारी प्रदेश अध्यक्ष जोतीराम चांगभले, राष्ट्रीय सचिव बळिराम जांभळे, प्रदेशाध्यक्ष किसन बापू कापसे, प्रदेश सचिव मोहन शेळके, शहराध्यक्ष संजय पवार, छाया खंडाळकर यांचेकडून श्री ज्ञानेश्वरी ग्रंथ भेट देऊन सन्मान करण्यात येईल. तसेच रिंगण सोहळ्याचे तपःपूर्ती वर्ष असल्यामुळे उपस्थित दिंडी प्रमुख व पालखी प्रमुख यांचा विशेष सन्मान करण्यात येणार आहे. तदनंतर रिंगण सोहळा सुरु करण्यात येईल. रिंगण पूर्ण झाल्यानंतर पालखी सोहळा परंपरेने महादेव मंदिर, साठे चाळ सोलापूर या ठिकाणी येऊन आनंद दादा चंदनशिवे, विजय चोरमुले यांचे हस्ते आरती होऊन नित्यनेमाचे कीर्तन करून समारोप केला जाणार आहे. सोलापूर शहर व जिल्ह्यातील भाविकांनी या कार्यक्रमासाठी उपस्थित रहावे असे आवाहन वारकरी मंडळाकडून करण्यात आले आहे. या कार्यक्रमासाठी एक लाख भाविक उपस्थित राहतील असा अंदाज ही व्यक्त केला आहे. राष्ट्रीय अध्यक्ष ह.भ.प. श्री. सुधाकर महाराज इंगळे यांचे मार्गदर्शनाने माघवारी पालखी सोहळा व रिंगण सोहळा संपन्न होत आहे. या कार्यक्रमासाठी तानाजी बेलेराव, कुमार गायकवाड, सचिन गायकवाड, निवृत्ती मोरे, अभिमन्यु डोंगरे महाराज, संजय केसरे, श्याम येदुर इ. पदाधिकारी परिश्रम घेत आहेत.
No Result
View All Result
