आ. देवेंद्र कोठेंचेच फिफ्टी प्लस उमेदवार..माने गटाला 4 जागा, मालक- बापूचे खच्चीकरण.!

उमेदवारी अर्ज दाखल करण्याची प्रक्रिया संपून 30 तासांपेक्षा जास्त कालावधी लोटला तरीही भाजपने सोलापूर महापालिकेच्या 102 अधिकृत उमेदवारांची यादी जाहीर केली नाही. यादीत धक्का तंत्र वापरल्यामुळे ते कार्यकर्त्यांना आणि नेत्यांना पचायला वेळ लागावा म्हणून टाईमपास केला जात आहे. सोलापूर शहर उत्तर मतदार संघातील आमदार विजयकुमार देशमुख यांच्या मतदार संघातील 14 जागा देवेंद्र कोठे यांनीच सुचवलेल्या कार्यकर्त्यांना दिल्या आहेत. त्यामुळे या ठिकाणी शहर उत्तर मधील 44 जागांपैकी 14 जागा या कोठे गटाच्या उमेदवारांना दिल्या आहेत. सोलापूर शहर मध्ये या देवेंद्र कुठे यांच्या मतदारसंघात शिवानंद पाटील हे एकमेव आमदार विजयकुमार देशमुख यांचे उमेदवार वगळता जवळपास 33 उमेदवार कोठे यांनीच निश्चित केले आहेत असे कळते. तर माजी आमदार दिलीप माने यांनी सुचविलेल्या सोलापूर दक्षिण मतदार संघातील चार जागा त्यांना मिळाल्या आहेत. त्यामुळे कितीही विरोध झाला तरीही ऐनवेळी देवेंद्र कोठे यांनी भाजपमध्ये आणलेल्या किंवा देवेंद्र कोठे यांनीच सुचवलेल्या बहुतांश उमेदवारांना तिकिटे देण्यात आली आहेत. सुमारे 50 + उमेदवार हे देवेंद्र कोठे यांचीच आहे. आमदार सुभाष देशमुख आणि आमदार विजयकुमार देशमुख यांचे हे एक प्रकारे खच्चीकरण केले असून पालकमंत्री जयकुमार गोरे, आमदार देवेंद्र कोठे, आमदार सचिन कल्याणशेट्टी, यांनी आमचाच पॅटर्न चालतो असा एक प्रकारे संदेश दिला आहे.