आकडा घसरला… जिल्ह्यात माळशिरस वगळता इतर दहा तालुक्यात १०० पेक्षा कमी रुग्ण…

सात तालुक्यात ५० पेक्षा कमी रुग्ण….
सोलापूर : जिल्ह्याचा covid-19 चा १ जून रोजी चा अहवाल प्राप्त झाला आहे. मंगळवारी रात्री बारा वाजेपर्यंत संपलेल्या चोवीस तासात जिल्ह्यामध्ये ५२७ नवीन व्यक्तींना कोरोनाची बाधा झाली आहे. या कालावधीत ८८७ रुग्ण कोरोनामुक्त होऊन घरी परतले आहेत. या कालावधीत २१ जणांचा कोरोनामुळे मृत्यू ओढवला आहे. तालुकानिहाय करोना बाधितांच्या आढावा घेतला असता जिल्ह्यातील माळशिरस तालुक्यात १०८ रुग्ण आढळले आहेत. माळशिरस वगळता इतर १० तालुक्यात १००पेक्षा कमी रुग्ण आढळले आहेत. या दहा तालुक्यांपैकी दक्षिण सोलापूर, सांगोला, उत्तर सोलापूर, मोहोळ, मंगळवेढा, करमाळा आणि अक्कलकोट अशा सात तालुक्यांमध्ये ५० पेक्षा कमी रुग्ण आढळले आहेत. माढा येथे ७९, बार्शी येथे ८२ आणि पंढरपूर येथे ८२ नवीन रुग्ण आढळले आहेत.