सोलापूरच्या एमआयडीसी परिसरातील न्यू सुनीलनगर येथील प्रवीण देविदास दासरी यांची तब्बल ₹44 लाख 78 हजारांची ऑनलाइन फसवणूक झाल्याची तक्रार सायबर पोलिस ठाण्यात दाखल झाली आहे.
16 ऑगस्ट ते 19 सप्टेंबर 2026 या कालावधीत ही फसवणूक झाल्याचे तक्रारीत नमूद आहे.तक्रारीनुसार, आरोपीने ‘ORFin Acad’ नावाचे बनावट ॲप्लिकेशन वापरून फिर्यादीचा विश्वास संपादन केला.त्यानंतर WhatsApp द्वारे संपर्क साधून शेअर मार्केट आणि IPO मध्ये जादा नफा मिळवून देण्याचे आमिष दाखवण्यात आले.फिर्यादीने या ॲपवर शेअर्स आणि IPO मध्ये गुंतवणूक केली.जादा नफा मिळाल्याचे भासवून त्यांच्याकडून वेळोवेळी बँक खात्यात ऑनलाइन PhonePe व RTGS द्वारे पैसे भरून घेण्यात आले.
अशा प्रकारे एकूण ₹44,78,000 रुपये उकळल्याचे तक्रारीत म्हटले आहे.या प्रकरणी सायबर पोलिस ठाण्यात गुन्हा दाखल करण्यात आला असून, पोलिसांकडून तपास सुरू आहे.नागरिकांनी अनोळखी व्यक्ती, बनावट ट्रेडिंग ॲप आणि जादा नफ्याच्या आमिषापासून सावध राहण्याचे आवाहन करण्यात येत आहे.
