सोलापूरच्या आरोग्य यंत्रणेला नाही गांभीर्य, करोडो रुपयांचा चुराडा…!

सोलापूर जिल्हा परिषद आणि जिल्हा शल्य चिकित्सक कार्यालयाच्या माध्यमातून नॅशनल हेल्थ मिशन… शासन निधी… जिल्हा परिषद सेस फंड … तसेच डीपीडीसीतून कोट्यावधी रुपयांचा खर्च होतो. मात्र या दोन्ही यंत्रणा भ्रष्टाचाराने पोखरल्या आहेत. जिल्हा आरोग्य अधिकारी सतीश कोपुरवाड तसेच जिल्हा शल्य चिकित्सक वर्षा डोईफोडे यांच्याकडील काही गंभीर प्रकरणे पाहिली की भ्रष्टाचाराने किती कळस गाठला आहे हे लक्षात येते. जिल्हा शल्य चिकित्सक कार्यालयाने आषाढी वारीत एअर ॲम्बुलन्स वर तब्बल 57 लाख रुपये खर्च केले. यातून अवघा एक पेशंट पंढरपूरहून सोलापूर विमानतळावर आणण्यात आला. महा आरोग्य शिबिराच्या माध्यमातून औषध खरेदी आणि चष्मे खरेदीवर करोडो रुपये खर्च केले. आषाढी वारी संपून जवळपास अडीच महिन्यांचा कालावधी उलटला तरीही चष्मे घोटाळ्याचा अहवाल दडवून ठेवला जात आहे. जिल्हा परिषदेचे सीईओ कुशल जैन यांची सही न घेता जिल्हा शल्य चिकित्सक वर्षा डोईफोडे यांनी 50 लाख रुपयांच्या चष्मे खरेदीचा पुरवठा आदेश परस्पर दिला. राष्ट्रीय आरोग्य अभियान निधीची अशीच उधळपट्टी सुरू आहे. काही खर्च थेट शासनाच्या माध्यमातून मिळालेल्या निधीतून जिल्हा शल्य चिकित्सकार्याकडून झाला तो देखील संशयाच्या भोवऱ्यात आहे. जिल्हा परिषदेतील दहा कोटी रुपये ची औषधे खरेदी, आषाढी वारी मध्ये झालेला खर्च यामध्ये कुठेही पारदर्शकता दिसत नसल्यामुळे माहिती देण्यास टाळाटाळ केली जात आहे. जिल्हा शल्य चिकित्सक वर्षा डोईफोडे यांनी स्वतःचे म्हणणे देऊन आठ दिवसाचा कालावधी लोटला तरीही चष्मे घोटाळ्याचा अहवाल तयार करून झेडपी सीईओ कडे दिला जात नाही. आठ दिवसात हा अहवाल देतो असे चोकशी अधिकारी तथा जिल्हा आरोग्य अधिकारी डॉक्टर सतीश कोपुरवाड यांचे म्हणणे आहे. एकूणच आरोग्य यंत्रणेचे तीन तेरा वाजले आहेत हे नक्की