सोलापूर महापालिकेच्या सामान्य प्रशासन विभागात सध्या मनमानी सुरू आहे. लाड कमिटी च्या शिफारशीनुसार सुमारे 140 जणांना महापालिकेत विविध पदांवर नियुक्त्या देण्यात आल्या. वशिल्यावर,मनमानी पद्धतीने , प्रतीक्षा यादी डावलून अनेकांच्या नियुक्त्या करण्यात आले आहेत. एकच मयत व्यक्ती असली तरीही त्याच्या घरातील आणि इतर नातेवाईकांना देखील चुकीची वंशावळ दाखवून नियुक्तीपत्रे दिली गेली आहेत. लाड कमिटी मधील मूळ वारसदार बाजूला राहिले आहेत. काल सोलापूर महापालिकेत बुद्धभूषण कांबळे या तरुणाने आपल्याला डावलून लाड कमिटी मध्ये दुसऱ्या उमेदवाराला घेतल्याचा आरोप केला आहे.त्यामुळे ज्यांच्या नियुक्त्या झाल्या त्यांची सर्व कागदपत्रे तसेच वंशावळ तपासल्यास अनेक गंभीर बाबी आणि जीएडीने केलेल्या घोडचुका लक्षात येणार आहेत.
महापालिकेतील काही अधिकाऱ्यांनी कर्मचारी संघटनेच्या काही पदाधिकाऱ्यांना हाताशी धरून अशी गैर कृत्ये केली आहेत. महापौर विनायक कोंड्याल तसेच महापालिका आयुक्त सचिन ओंबासे यांनी या गंभीर प्रकरणाकडे लक्ष देणे गरजेचे आहे. शिवाय सामान्य प्रशासन विभागात निर्माण झालेली मक्तेदारी मोडून काढण्यासाठी त्यांच्या बदल्या करणे गरजेचे आहे.
