सोलापूर : सोलापूर महानगरपालिकेच्या वतीने 26 नोव्हेंबर शहीद दिनानिमित्त मुंबईमध्ये झालेल्या दहशतवादी हल्ल्यात शहीद झालेले भारताचे थोर सुपुत्र व सोलापूरचे माजी पोलिस आयुक्त अशोक कामटे, मुंबईतील एटीएस पथकाचे प्रमुख पोलिस अधिकारी हेमंत करकरे,चकमक फेम गुन्हे शाखेचे पोलीस निरीक्षक विजय साळस्कर, सोलापुरातील राज्य राखीव पोलीस बल गट क्र10 चे जवान राहुल राहुल शिंदे, एन.एस.जी मधील मेजर संदीप उन्नीकृष्णन हे शहीद झाले होते.
त्यांचा आदर्श व त्यांच्या स्मृती चिरंतन ठेवण्यासाठी आज सोलापूर महानगरपालिकेच्या वतीने कौन्सिल हॉल येथील महापौर यांच्या कार्यालयात त्यांच्या प्रतिमेस सभागृह नेते शिवानंद पाटील यांच्या हस्ते पुष्पहार अर्पण करून अभिवादन करण्यात आले. यावेळी विरोधी पक्षनेते अमोल बापू शिंदे, महिला व बालकल्याण सभापती कल्पना कारभारी,गटनेते आनंद चंदनशिवे,जनसंपर्क अधिकारी विनोद कुलकर्णी, जयप्रकाश अमनगी,शेखर सकट,प्रा.राजकुमार निकंबे,बाबूराव संगेपाल,अनिल कंदलगी ,सागर मुनाळे आदी मान्यवर उपस्थित होते.
