आपल्या मालवाहतूक कार्याला महत्त्वपूर्ण चालना देत, मध्य रेल्वेने दि. ०२.०५.२०२६ रोजी नव्याने अधिसूचित केलेल्या इगतपुरी गुड्स शेडमधून वाहनांची पहिली लोडिंग यशस्वीरित्या सुरू केली आहे. या सेवेसाठी पहिली मागणी मे. ट्रान्सपोर्ट कॉर्पोरेशन ऑफ इंडिया लिमिटेड (TCOI) यांनी नोंदवली होती, ज्यामुळे या विभागातील लॉजिस्टिकल कार्यक्षमतेत एक नवीन अध्याय सुरू झाला आहे.
वाहनांच्या सुरक्षित आणि कार्यक्षम वाहतुकीसाठी खास तयार केलेल्या २५ एनएमजी (न्यू मॉडिफाइड गुड्स) वॅगनमध्ये एकूण १०० गाड्या वाहतुकीसाठी लोड केल्या आहेत. नॉर्थ ईस्टर्न रेल्वेच्या नौतनवा गुड्स टर्मिनलकडे जाणाऱ्या या रेकमधून प्रति रेक अंदाजे १७,१६,७५०/- रुपये महसूल मिळण्याची अपेक्षा आहे.
लोड केलेल्या वाहनांमध्ये नाशिकमधील महिंद्रा अँड महिंद्राच्या प्लांटमधून थेट आणलेल्या विविध प्रकारच्या गाड्यांचा समावेश आहे. इगतपुरी गुड्स शेडचा वापर करून मध्य रेल्वे नाशिक औद्योगिक पट्ट्यातील उत्पादकांसाठी अधिक सुलभ आणि सुव्यवस्थित लोडिंग पॉईंट उपलब्ध झाला आहे ज्यामुळे लीड टाइम्स आणि लॉजिस्टिकल ओव्हरहेड्स कमी होतात.
ऑटोमोबाईल लोडिंगसाठी इगतपुरी गुड्स शेडची अधिसूचना ही मध्य रेल्वेच्या मालवाहतुकीच्या क्षेत्रात विविधता आणण्याच्या आणि वाहन उद्योगासाठी संपूर्ण उपाययोजना (एंड-टू-एंड सोल्यूशन्स) प्रदान करण्यासाठी चालू असलेल्या प्रयत्नांचा एक भाग आहे. रस्त्यावरील वाहतुकीच्या तुलनेत रेल्वे वाहतुकीमुळे कार्बन उत्सर्जन आणि महामार्गावरील वाहतूक कोंडी कमी होते. ऑटोमोबाईल वाहतुकीसाठी रस्त्यावरून रेल्वेकडे होणारा स्थित्यंतर हा मोठ्या प्रमाणातील लॉजिस्टिक्ससाठी (Bulk Logistics) अधिक शाश्वत, जलद आणि किफायतशीर पर्याय देत आहे.
‘गती शक्ती’ संकल्पनेअंतर्गत, मध्य रेल्वेचा मुंबई विभाग आपला मालवाहतुकीचा वाटा वाढवण्यासाठी नवीन वस्तू आणि बाजारपेठांमध्ये प्रवेश करत आहे.
