येस न्युज मराठी नेटवर्क : पोलीस आयुक्तालयाने केलेल्या कारवाईत घोंगडे वस्ती येथील जय भवानी बगीच्या समोर राहणाऱ्या गावठी शिंदी व्यावसायिक आनंद भंडारी याला एमपीडीए कायद्याखाली अटक करण्यात आली आहे. आनंद भंडारी याचा गावठी शिंदी विक्रीचा व्यवसाय होता. त्यांच्याविरुद्ध दारूबंदी अधिनियम कलम 49 नुसार 2018 19 आणि 2020 अशा तीन वेळा कारवाई करण्यात आली होती .
परंतु आनंद भंडारी याने त्याचा अवैध शिंदी विक्रीचा व्यवसाय चालूच ठेवल्याचे दिसून आले होते. भंडारी यास स्थानबद्ध करून तातडीने येरवडा कारागृहात पाठवण्यात आले आहे. हवाईदल व्यवसाय करणाऱ्या व्यक्ती सराईत गुंड आणि समाजविघातक कृत्ये करणाऱ्यांविरुद्ध पोलीस आयुक्तालयाची कारवाई अशाच प्रकारे चालू राहील, असे पोलिस आयुक्त अंकुश शिंदे यांनी स्पष्ट केले आहे. अशा सराईत गुंडांची यादी तयार करून त्यांच्याविरुद्ध कारवाई करण्यात येत असल्याचे देखील शिंदे यांनी स्पष्ट केले.
