मेंबर व्हायचंय मला ! नॉर्थकोट प्रशालेत उमेदवारी अर्ज घेणे – भरणे सुरू..

2017 नंतर म्हणजेच जवळपास आठ वर्षानंतर सोलापूर महापालिकेच्या सार्वत्रिक निवडणुका होत आहेत. महापालिकेच्या समोर असलेल्या नॉर्थकोट प्रशालेत आजपासून उमेदवारी अर्ज भरण्याची प्रक्रिया सुरू झाली आहे. यासाठी 100 मीटर परिसरात पोलिसांनी विविध निर्बंध लावले आहेत. 25 आणि 28 डिसेंबरला सुट्टी असल्यामुळे आज पासून 30 डिसेंबर पर्यंत उमेदवारी अर्ज भरण्यासाठी सहाच दिवस मिळणार आहेत. भाजपकडे 1200 जणांनी उमेदवारीची इच्छा व्यक्त केली आहे. काँग्रेसकडे देखील सुमारे अडीचशे जण इच्छुक आहेत. दोन्ही शिवसेना तसेच दोन्ही राष्ट्रवादी यांनी देखील दंड थोपटले आहेत. महाआघाडी तसेच महायुती करण्यासंदर्भात रोज विविध पक्षांच्या जोर बैठका सुरू आहेत. नॉर्थकोट प्रशालेत एकूण सात निवडणूक कार्यालय असून गेल्या चार वर्षापासून प्रशासकीय राजवट असलेल्या महापालिकेला आता नव्या नगरसेवकांचे वेध लागले आहेत . त्यामुळे आज पासून लोकशाहीचा उत्सव खऱ्या अर्थाने सुरू झाला आहे.