सोलापूर – सोलापूर महानगरपालिका सार्वत्रिक निवडणूक 2022 प्रारूप प्रभाग रचनेस मा राज्य निवडणूक आयोग महाराष्ट्र यांनी मंजुरी दिली असून त्याच अनुषंगाने 01फेब्रुवारी 2022 रोजी त्यावरती नागरिकांकडून हरकती व सूचना मागवण्यात करीता प्रसिद्धी देण्यात आले होते. दिनांक 14 फेब्रुवारी 2022 अखेरपर्यंत एकूण 108 अर्ज प्राप्त झाले असून त्यापैकी 103 अर्ज हरकती व सूचनेच्या अनुषंगाने असल्याने व उर्वरित 5 अर्ज हे सर्वसाधारण स्वरूपाचे आहेत. सदरचे प्राप्त एकूण 108 अर्जावर माननीय राज्य निवडणूक आयोगाच्या कार्यक्रमानुसार दिनांक 25 फेब्रुवारी रोजी सकाळी 11 वाजेपासून नियोजन भवन, पहिला मजला,सात रस्ता, सोलापूर येथे प्राप्त हरकती व सूचनावर सुनावणी झाली. त्यासाठी राज्य निवडणूक आयोगाचे प्राधिकृत केलेले अधिकारी सचिंद्र प्रताप सिंग विभागीय आयुक्त यांचे प्रतिनिधी म्हणून श्रीमती नंदिनी आवडे तर जिल्हाधिकारी यांचे प्रतिनिधी म्हणून संजीव जाधव आयुक्त पि.शिवशंकर, सोलापूर महानगरपालिका,अतुल जाधव,अव्वर सचिव राज्य निवडणूक आयोग, प्रदीप परब ,कक्षाधिकारी राज्य निवडणूक आयोग, अतिरीक्त आयुक्त विजय खोराटे,सोलापूर महानगरपालिका, सहाय्यक आयुक्त विक्रम पाटील सोलापूर महानगरपालिका यांच्या प्रमुख उपस्थितीत होणार आहे.